EDUCACIÓN FÍSICA (TERCEIRO - CUARTO)
Bos días. Para os xogos de hoxe imos precisar o pau dunha escoba. Espero que vos gusten as actividades. Moito ánimo e a xogar!!!
· Sticks. Obxectivo: Traballar a coordinación óculo - pédica.
Para este xogo precisaredes o pau dunha escoba. Colocaredes o pau no chan, saltaremos dun lado ao outro do pau con pés xuntos, a pata coxa…Logo tentaredes coller o pau e levántalo algo do chan collendoo cos dous pés, ¿sodes capaces?
Se dispoñedes dunha pelota intentaredes pasar a pelota dun lado ao outro do pau levantándoa cos pés, logo intentaredes suxeitar a pelota cos dous pés e saltar dun lado ao outro do pau coa pelota entre os pés.
· Xogamos ao hockey. Obxectivos: Practicar as conduccións e lanzamentos.
Traballar a coordinación óculo – pédica.
Para este xogo precisaredes o pau da escoba coa escoba e unha pelota pequena. Intentaredes conducir a pelota coa escoba polo espazo, controlándoa para que non escape moi lonxe. Cando a teñades controlada podedes colocar dúas botellas ou botes a modo de portería e intentar meter a pelota entre eles (a distancia entre as botellas ou botes debe ser pequena).
Se alguén pode xogar con vos, podedes facer o xogo de intentar roubarbos a pelota entre vós, facer pases, facer de porterías humanas (un coa pelota intenta meter a pelota entre as pernas do compañeiro, sempre colocados a certa distancia para que sexa algo mais complicado)…e recordade que sempre podedes inventar xogos vós, seguro que se vos ocorre algún divertido.