CEIP Ramón María del Valle-Inclán

Unha vez  finalizado o prazo de presentación de candidaturas  para a elección dos representantes de país e nais e/o titores legáis do alumnado no Consello Escolar do Centro, a Xunta Electoral deste colexio fai pública a relación do nome da candidata que se presenta á referida elección , segundo se reflexa no documento adxunto:

A  elección  de  representantes  será  o  día  18  de  novembro  (HORARIO  09:00  A 10:00H, DE 13:00 A 14:00H E DE 16:30 A 17:30H)

Estamos moi emocionados de anunciar que xa temos dispoñible unha nova emisión do noso telexornal escolar, TV-Inclán! Nesta entrega, os nosos reporteiros e reporteiras de primaria e infantil tráennos as últimas novas sobre o colexio, actividades recentes, eventos deportivos, saídas escolares, e moito máis.

Convidámosvos a visitar a nosa páxina web para ver a emisión e descubrir todo o que está a acontecer no noso centro. O traballo e a dedicación do noso alumnado fan que cada emisión sexa especial, e non podedes perdela!

25 de outubro:  Constitución mesa electoral, aprobación do Calendario Electoral, publicación provisional dos censos educativos e publicación das convocatorias de eleccións nos distintos sectores educativos.

Ata o 6 de novembro: Período de reclamacións ao censo.

Do 1 de novembro ao 8 de novembro: Prazo de presentación de candidaturas.

Día 11 de novembro: Proclamación e posterior publicación de candidaturas por sectores de participación, aprobación definitiva de censos electorais, aprobación do modelo de papeletas e sorteo público da designación dos membros das mesas electorais.

Esta semana, os nosos presentadores e presentadoras traballaron con dedicación para traernos as noticias máis destacadas do colexio e a contorna. Ademais, convertéronse en verdadeiros profesionais, dándonos entrevistas e reportaxes nos que puxeron todo o seu empeño. 

E temos unha gran novidade para compartir! 

A partir de agora, os máis pequenos do colexio, os alumnos de infantil, terán unha sección propia, no noso telexornal escolar. Esta nova incorporación permitiralles ser parte activa de TV-Inclán, achegando a súa visión única e encantadora sobre o día a día no colexio.

Baixo a supervisión das/os súas/seus profes, os pequenos e pequenas explorarán os seus propios temas e gravarán as súas reportaxes, dándonos a oportunidade de ver o mundo a través dos seus ollos curiosos e cheos de imaxinación. Serán os encargados de presentar as súas seccións, con toda a frescura e espontaneidade que os caracteriza. 

Moitas grazas.

No día de hoxe, publicouse no DOGA a concesión do Premio á Innovación Bibliotecaria de Galicia ao Concello de Oleiros polo proxecto "Ler para saber: a ciencia", presentado ao concurso pola biblioteca Rialeda.

A Consellería de Cultura da Xunta de Galicia concede este premio, na categoría de concellos de máis de 10.000 habitantes, ao Concello de Oleiros por este proxecto, organizado pola biblioteca Central Rialeda e polo noso colexio, baixo a coordinación de Mariluz Corral Uzal e a mestra Fina Mosquera Roel.

Para levar a cabo este proxecto é imprescindible a colaboración do profesorado, do alumnado e dos pais e nais do alumnado do CEIP Ramón María del Valle Inclán, así como dos diversos/as expertos/as nas diferentes materias que se tratan ao longo de todo o programa, os cales participan de xeito altruista e gratuito.

Despois de que o curso pasado a biblioteca permanecese pechada por mor das obras, queremos anunciarvos que xa está lista!!  Esperemos que este novo espazo sexa un lugar de coñecemento e aventuras inesquecibles!

Comprácenos anunciar unha nova emisión do noso telexornal escolar TV-Inclán! Nesta edición, os nosos novos presentadores e presentadoras tráennos noticias frescas e emocionantes sobre a vida no noso colexio.

Entre os temas destacados, falamos da inauguración e apertura da nova biblioteca do colexio, un espazo renovado e cheo de recursos para fomentar o amor pola lectura entre o alumnado. Ademais, mostraremos os incribles traballos realizados polos máis pequenos do colexio, o alumnado de infantil, que demostraron a súa creatividade e entusiasmo nos seus proxectos.

Non te perdas esta nova emisión chea de novidades e o talento do noso alumnado! Como sempre, estamos moi orgullosos do esforzo e a dedicación de todos os que participan en TV-Inclán, facendo posible que cada noticia cobre vida.