A rapazada de infantil asistiu ao Palacio da Ópera para ver e escoitar o espectáculo "De Aquí para Alá... coas Emocións" de Lidia Botana. Unha viaxe pola música e os instrumentos de todo o mundo.

CLICADE NA IMAXE!

Durante o mes de marzo e abril, o alumnado de toda primaria participou nuns Xogos Olímpicos de salto de corda, organizados polo profesorado de Educación Física.

Esforzáronse moitísimo, moitos mesmo aprenderon para poder participar. Moitas grazas a todas as persoas que participaron!

Premede na imaxe para ver retazos da competición!

O pasado 12 de abril, 20 atletas do Vales acudiron á final do Campionato Provincial de Cros Escolar, que tivo lugar en Porto do Son. Clasificáronse no cros comarcal en Monfero do pasado novembro.
Viviron unha xornada deportiva cun nivel altísimo, na que a nosa compañeira Ivana trouxo para casa a medalla de ouro de Campioa Provincial na súa categoría.
Parabéns a todos e a todas, especialmente á nosa campioa!

CLICADE NA IMAXE!

O alumnado de 1º de BAC do IES Fco Aguiar, coa profesora de música Alba, interpretaron uns Contos Musicados con monicreques para todo infantil. Botádelle unha ollada ao vídeo!

Da man de Raquel Queizás o alumnado de 4º de E. Primaria aprendeu sobre a vida e a obra de Luisa Villalta. Neste espectáculo os nenos e nenas coñeceron a unha muller valente, feminista, comprometida coa lingua...

PREME NA IMAXE!

A rapazada de 5º de E. Primaria asistiu a un concerto didáctico organizado polo departamento de Pedagoxía do Conservatorio Superior de Música da Coruña. Botádelle unha ollada ao vídeo, premendo na imaxe!

PREMEDE NA IMAXE!

O alumnado de Infantil, de 2º, 5º e 6º de Primaria asistiu, en Abegondo, a unha exhibición do traballo que leva a cabo a Garda Civil nas súas distintas especialidades. Botádelle unha ollada ao vídeo premendo a imaxe!

A rapazada de 1º, 2º, 3º e 6º de Educación Primaria acudiu ao Ágora na Coruña para participar nun concerto coa Banda Municipal. Os nenos e nenas colaboraron activamente no espectáculo. Clicade nos TÍTULOS para poder acceder ás distintas actuacións!

SUITE DE CANCIÓNS INFANTÍS