Xa está aquí un novo curso que esperamos chegue cargado de moitas aventuras e novos personaxes. Seguimos mellorando a nosa biblioteca e este ano estreanamos algún mobiliario e está pintada de novo.
O mércores 10 de outubro, iniciamos o curso lector 2018/19. Para iso, fomos á biblioteca por ciclos e alí puidemos ver un vídeo onde nos recordaron as normas para que todo funcione correctamente, coñecemos as últimas novidades que chegaron á biblioteca. Despois houbo sesións de contacontos a cargo de mestres e alumnos. Dende este día, xa podemos levar libros en préstamo que era o que estabamos agardando tod@s.
As alumnas e alumnos de cuarto nivel de Primaria fixemos unha viaxe a Pontevedra o mércores 14 de novembro. Alí visitamos o museo de Pontevedra, o mercado e logo fixemos unha pequena camiñada que nos levou xunto ao famoso loro Ravachol.
No museo aprendemos un montón sobre as técnicas que utilizan as autoras e autores de obras de arte (figurativas, abstractas, variados xéneros,...) Fixemos de detectives da arte por un día tratando de responder a uns enigmas que nos propuxeron. Que ben o pasamos!!!
Logo fomos ao mercado onde se vende o peixe, carnes, froitas, verduras, flores... Aprendemos nomes de peixes que non coñeciamos.
Finalmente antes de volver para o cole visitamos ao famoso loro Ravachol e alí sacamos unha foto con el.
Se premedes na foto poderedes ver unha montaxe de vídeo que resume a nosa viaxe. Agardamos que vos guste. Un saúdo.
"O día de Acción de Gracias" (Thanksgiving Day), é unha celebración tradicional dos Estados Unidos e Canadá. Nos Estados Unidos celébrase o cuarto xoves do mes de novembro, e en Canadá o segundo luns de Outubro.
A historia sobre "Thanksgiving" comeza no ano 1620 cando un barco chamado "Mayflower" con cen ingleses "pilgrims" a bordo chega ao que se consideraba o novo mundo, concretamente a Plymouth (Massachusetts)
Alí quixeron iniciar unha nova vida pero moitos deles non conseguiron superar o inverno, xa que non tiñan alimentos, e moitos morreron de fame ou frío. Coa chegada da primavera coñeceron aos primeiros nativos americanos. Os nativos americanos axudaron aos Pilgrims aprendéndolles a cazar e a pescar, ademáis de a cultivar millo, cabaza, etc. Como mostra de agradecemento os Pilgrims invitaron aos seus novos amigos americanos a un banquete onde se comeron entre outros produtos "turkey" e de ahí ven a tradición.
Na actualidade nos Estados Unidos o día de Thanksgiving familiares e amigos reúnense para compartir un delicioso banquete onde non pode faltar o famosísimo pavo. Este banquete é igual de importante para eles que para nós a cea de Noiteboa ou Nadal
O seguinte día a "Thanksgiving" os comercios inician as rebaixas navideñas, ese venres hai grandes descontos polo que moitísima xente sae a mercar e abarrotan todos os centros comerciais. Por iso aquí en España, xa o ano pasado vimos folletos publicitarios que ofertaban grandes rebaixas ese día baixo o titular de "Black Friday" a pesar de que aquí nin coñecemos nin celebramos ese día... ata agora.
O 25 DE NOVEMBRO É A DATA NA QUE CADA ANO LEMBRAMOS A TODAS AS MULLERES QUE CONTINÚAN SENDO VÍTIMAS DE MALOS TRATOS, ABUSOS E OUTROS TIPOS DE VIOLENCIA A MANS, CASE SEMPRE, DAS SÚAS PARELLAS OU EXPERELLAS. É UN DÍA TINGUIDO DE MORADO, A COR DA LOITA CONTRA A VIOLENCIA CARA ÁS MULLERES. NO COLEXIO ADICAMOS O VENRES 23 A ESTA CONMEMORACIÓN. TODAS E TODOS TROUXEMOS ESE DÍA UN LAZO VIOLETA PRENDIDO NUN LUGAR VISIBLE, E FIXEMOS UN MURAL ENTRE TODAS AS NENAS E NENOS DO COLE. ASÍ DEIXAMOS CLARO O NOSO REXEITAMENTO Á VIOLENCIA DE XÉNERO E O NOSO COMPROMISO CON MODELOS DE CONVIVENCIA BASEADOS NA LIBERDADE, NO RESPECTO E NA IGUALDADE.
O seguinte día a "Thanksgiving" os comercios inician as rebaixas navideñas, ese venres hai grandes descontos polo que moitísima xente sae a mercar e abarrotan todos os centros comerciais. Por iso aquí en España, xa o ano pasado vimos folletos publicitarios que ofertaban grandes rebaixas ese día baixo o titular de "Black Friday" a pesar de que aquí nin coñecemos nin celebramos ese día... ata agora.
