Como ben sabedes, este ano está adicado a María Victoria Moreno. Ó longo das últimas semanas, alumnado e profesorado do centro, viñemos desenvolvendo diversas actividades relacionadas coa homenaxeada: lecturas, gravacións de vídeos, debuxos, preparación de murais, achega de información e recursos ó profesorado dende o EDLG, unidades didácticas, xogos en liña,etc.
Na semana das Letras Galegas, celebramos esta data coas seguintes actividades:
XOGOS COS ESCORNABOTS E MARÍA VICTORIA MORENO:
O EDLG elaborou cinco taboleiros para aprender sobre a biografía e a obra da autora: " Como se chama?"e " Na busca dos libros perdidos", para os máis pequenos, e" Atopa as obras de Mª Victoria Moreno", "Atopa a resposta" e "Identifica os autores", para os máis maiores. Organizámonos por quendas para xogar todos, Infantil a Primaria.
Cada taboleiro tén unha ficha explicativa da actividade nunha carpeta, así como o material necesario para desenvolver a actividade.
Previamente, os nenos puideron coñecer a Mª Victoria Moreno a través das actividades e xogos online publicados máis abaixo nesta páxina web do centro.
RECANTO INTERACTIVO DE Mª VICTORIA MORENO:
Coa colaboración do alumnado, fixemos un recanto sobre a autora nas
escaleiras do centro .
Neste recanto empregamos as tablets, nas que temos instalado Aurasma,
para aprendermos sobre a vida e obra de Mª Victoria con actividades de
realidade aumentada.
Temos que buscar os 9 carteis no recanto coa imaxe dun can: Alma, a cadela
de Mª Victoria. Se achegamos as tablets a eses carteis...maxia!!: vemos os
vídeos explicativos que gravamos cos alumnos:
Elixín ser galega (1º), Muller brava! (6º), Cando era nena (3º), Mar adiante
(5ºA), Leonardo e os fontaneiros (6º), Eu canto, ti cantas (Xa non teño medo (EI), Can
branco, can negro (1º), Un cachiño de bica (2º)), A brétema (5º B), A festa no faiado
E, para conmemorar esta importante data, tivemos o mércores dous espectáculos que mesturaron maxia, contamaxia e ciencia a cargo do Mago Paco. Para os máis pequenos, EI e 1º ciclo, ofreceunos un Contamaxias. Para os máis maiores , a actividadeMaxia vs Ciencia. Estivo enormemente entretido, didáctico, participativo e , sobre todo, cheo de maxia! Os nenos pasárono fenomenal. Grazas, Paco!
Ó remate da segunda función, Fátima Granja (nai de Ruth), responsable da sección de teatro do Instituto de Estudos Miñoranos, fixo entrega dun premio e un diploma acreditativo a tres alumnas de 5º de EP: Erea, Nerea e Uxía, pola súa participación no I Certame Escolar de Creación Dramática. Noraboa, rapazas!!
Este é o video co que participaron os nenos de segundo no concurso "Creando Rural" e quedaron gañadores!
Hoxe visitounos o equipo de "Creando Rural" para facer entrega do diploma co premio, acompañados polo Alcalde de Gondomar e a Concelleira de Educación. Estade atentos á prensa!!
O venres 8 iremos de excursión ao parque de multiaventura Fervenzaventura, en Silleda.
