Está concibido como un espazo educativo e de socialización e que contribúe, en por si, a
unha mellora da calidade da educación. Atendido polo profesorado, nais e persoal de cociña dálle servizo a nenas e nenos dende os catro anos.
Como espazo educativo, o comedor escolar ten presentes os seguintes obxectivos:
- Fomentar hábitos alimentarios saudables dende a escola.
- Cubrir unha parte importante das necesidades nutricionais do alumnado.
- Proporcionar unha alimentación variada e enriquecer a capacidade de adaptación do alumnado aos diferentes alimentos, sabores e texturas.
- Fomentar hábitos e destrezas no uso dos utensilios e dos materiais e ensinar un comportamento na mesa.
- Educar a familia a través dos hábitos dietéticos adecuados dos seus fillos e fillas e involucrala no programa do comedor escolar.
Os menús, deseñados pola profesora responsable do comedor, cumpren as directrices que en materia de alimentación sinala a Xunta de Galicia para conseguir uns menús escolares saudables.
A estructura dos menús propostos componse de:
| Un primeiro prato composto basicamente de arroz, legumes, pasta, verduras ou hortalizas. |  |
| Un segundo prato que adoita incluír carne, peixe ou ovos. Acompáñase de gornición de verduras, hortalizas ou patacas. |  |
| A sobremesa, que inclúe fundamentalmente froita ou derivados lácteos, como queixo ou iogur. |  |
|
Acompáñase con pan(normal ou integral) e auga ou leite semidesnatado para beber. |
|
