Curso 2012-2013

Como xa vén sendo unha costume no CEIP San Marcos o día 30 de abril foi “O día das portas abertas”. Esta xornada estivo organizada pola ANPA  en colaboración co claustro e o Concello de Cartelle. Nela, o futuro alumnado do centro acompañado dos seus pais ou titores, coñeceu as instalacións do colexio e participou dalgunhas actividades.

Ás 14 horas chegaron os pequenos e tras unha curta visita ao comedor, gozaron do seu primeiro recreo. Ás 15 horas deron un paseo polas aulas  e media hora máis tarde, xa na clase de infantil, puideron imaxinar como serán os seus primeiros anos de escolarización. Coñeceron á súa futura mestra e xa para rematar  dúas nenas de sexto, Sonia e Marta, tíñanlles unha sorpresa: íanlles contar o conto “Queres xogar comigo?

Para poñer o broche final, visitáronnos os títeres A Xanela do Maxín coa actuación  “Chincha Rabincha”. Participou todo o alumnado  nesta última sesión lectiva.

Xa dentro do horario de extraescolares , os nenos e nenas  comprobaron o ben que o pasan os nenos na actividade de patinaxe.

Este xoves 25 de abril levouse a cabo no campo da feira de Cartelle a carreira “ Kilómetros de solidaridade”, organizada polo CEIP San Marcos. Esta proposta foi  iniciada pola ONG  Save the Children no ano 2004  e transladada ós centros educativos. Os obxectivos desta carreira son dous:

1. Sensibilizar ao noso alumnado  coas inxustizas que afectan a millóns de nenos e nenas en todo o mundo.
2. Recadar fondos para axudar á infancia máis vulnerable nos países máis desfavorecidos e asegurar que se respeten os seus dereitos.

Para levalo a cabo cada participante buscou patrocinadores  que se comprometeron a abonarlle unha cantidade por cada kilómetro  que recorra. Dado que a carreira foi no campo da feira os kilómetros foron simbólicos e adaptados a tódalas idades. O diñeiro recaudado será enviado a Save the Children.

Agradecer a axuda prestada ao Concello de Cartelle e a Protección Civil.

Para máis información: http://www.savethechildren.es

Voluntarias da Cruz Vermella, co motivo da celebración o 22 de marzo do día Mundial da Auga, achégaronse ao noso cole para darnos  algún trucos para aforrar este preciado líquido. O obxectivo desta charla é concienzar aos nenos e nenas da necesidade de preservar a auga e garantir que as xeneracións futuras poidan ter acceso a ela. Non despilfarrar auga  no fogar é unha medida fundamental. Para iso, vimos uns interesantes vídeos e ademais deron a cada neno e nena un kit básico para non malgastar auga na casa.

Este mércores, 6 de marzo, o alumnado de educación primaria tivo unha charla sobre o mel. Aprenderon de onde sae, como se elabora, cales son as ferramentas que utilizan os apicultores... Despois de escoitar atentamente o que explicaba a ponente, tiveron a oportunidade de catalo. Repartíronselle pequenos frascos individuais de Mel de Galicia e degustáronno moi contentos/as.

O Consello Regulador da Indicación Xeográfica Protexida Mel de Galicia é o organismo encargado de controlar, amparar e certificar o "Mel de Galicia", identificando esta certificación coa contraetiqueta correspondente, que é o aval de que esta mel cumpre con todos e cada un dos requisitos de calidad reflexados no Regulamento. A zona de produción, elaboración e envasado dos meles amparados abarca todo o territorio da Comunidade Autónoma de Galicia.  (Información extraída de: http://www.mieldegalicia.org/miel2/ )

Por sorte, o mal tempo deunos un respiro para celebrar o Entroido como se merece. Despois duns días con chuvia chegou o 8 de febreiro e o sol aliouse coa tan desexada festa.  

A temática deste ano era: a granxa. Como veredes no álbum de fotos  Cartelle encheuse de animais: poliños, galos, ovellas e vacas.  Desfile polo pobo con charanga incluída, recolleita de caramelos polas rúas, baile na praza onde se celebra a feira e á volta  degustación de bica con chocolate! 

Agradecementos á Anpa pola súa colaboración un ano máis.

Para ir poñéndovos ao día, colgamos as fotos das actividades e celebraciós do primeiro trimestre.

Disfrutamos dun magosto cheo de chourizos, costela, bica con chocolate e moitas castañas.Botáronse a bailar os peóns pola mañá  e no patio xogouse  moito máis do habitual. As familias tamén compartiron con nós esa tarde e algúns e algunhas puxéronse coma o carbón. Botade un ollo ás fotos e lembrade aquel día.

Este ano, por primeira vez, 24 valentes correron no San Martiño de Ourense. O mestre de educación física participou con:

• Sabela (3º)
• Uxía (3º)
• Claudia (3º)
• Clara (4º)
• Pedro (4º)
• Marta (5º)
• Uxía (6º)
• Carlos (6º)
• Alba (6º)
• Iván (6º)
• Yann (6º)
• Abraham (6º)
• Eduardo (6º)
• Sonia (6º)
• Amelia (6º)

Fíxéronno estupendamente! 

O profe  de educación física organizou durante os recreos da mañá unhas competicións deportivas  nas que participou case todo o alumnado do cole. Fútbol, baloncesto e floorball  foron as disciplinas nas que se fixeron todos uns expertos.

Levouse a cabo nas datas previas ao  Nadal a campaña coñecida como “Operación Kilo”.
Resulta moi triste ler as seguintes noticias: 

• Cerca de 30.000 familias con nenos/as pasan fame en España
• Segundo a ONG Unicef, en España, viven máis de 2.000.000 de nenos e nenas en situación de pobreza
• Hai nenos/as cuxa única comida diaria é a que fan no comedor do colexio

Por iso, entre todos conseguimos reunir nada máis e nada menos que 3 caixas repletas de alimentos que foron entregadas ao Banco de Alimentos de Ourense.
Desde o centro queremos agradecer aos pais e nais a súa colaboración desinteresada.
Do mesmo xeito así o manifestou  o Banco de alimentos na carta que enviaron ao colexio:

Un ano máis o festival de Nadal despídenos ata o ano novo. A pesares de ser o 21-12-12 todo saíu segundo o esperado e pasámolo xenial.