O pasado venres día 17 de marzo os alumnos e alumnas de 1º e 2º de  primaria  tiveron a oportunidade de gozar dun espectáculo      marabilloso no observatorio  de aves do embalse de Cecebre.

Os expertos no tema tiveron moita paciencia para explicarnos o proceso de anillado e o motivo polo que se fai e como, grazas a este traballo, poden levar conta de todo o que acontece cos paxaros que viven no noso entorno ou nos visitan de cando en vez.

Tamén aproveitamos a celebrar o día da árbore e, loxicamente, como íamos celebrar o acontecemento?? Pois plantando, obviamente, labor á que nos axudaron os alcaldes de Abegondo e de Betanzos que non dubidaron e presumir das súas habilidades no tema.