Skip to Content

 
Enlace Aula Virtual
Punto Laranxa contra o acoso escolar

.

Ven, 14/04/2023 - 08:01 — admin

 

 

 

 

Benqueridas familias:

Convidámosvos o día 18 de abril ás 17:00h a unha xornada na que teremos a oportunidade de traballar na creación dunha nova horta. Simplemente precisamos que traiades roupa cómoda e sobre todo moitas, moitas ganas de sachar!

Esperámosvos con moita ilusión!

FOLTA DO SECTOR DO TRANSPORTE - SERVIZOS MÍNIMOS-AVISO

Xov, 30/03/2023 - 08:13 — admin

AVISO ÁS FAMILIAS FOLGA TRANSPORTE

Estimadas familias...

poñemos no seu coñecemento para a súa consideración o seguinte comunicado que nos fan dende empresa que fai o servizo de transporte escolar no noso centro:

"Nos ponemos en contacto para comunicar que con motivo de la huelga convocada para este viernes día 31, intentaremos realizar los servicios mínimos decretados por la Xunta de Galicia. Agradeceríamos que se le avise a las familias que no podemos garantizar que nos vayan a permitir cumplirlos, con el fin de que puedan organizarse si no podemos realizar los servicios y que puedan decidir si hacer uso o no del transporte"

Prégase a máxima difusión entre as familias para o seu coñecemento.

Grazas pola súa colaboración.

Saúdos

A Dirección

FOLTA DO SECTOR DO TRANSPORTE - SERVIZOS MÍNIMOS

Xov, 30/03/2023 - 06:24 — admin

FOLGA DO SECTOR DO TRANSPORTE -SERVIZOS MÍNIMOS

Estimadas familias:

remítolles información publicada no DOG de hoxe, en relación aos servizos mínimos establecidos...

Artigo único. Servizos mínimos

Durante a folga convocada pola Confederación Intersindical Galega (CIG), a Confederación Sindical Unión Xeneral de Traballadoras e Traballadores de España (UXT) e pola Confederación Sindical de Comisións Obreiras (CCOO) no sector do transporte de viaxeiros en autobús por estrada na Comunidade Autónoma de Galicia para o día 31 de marzo, terán a consideración de servizos mínimos os seguintes:

1. Servizos públicos de transporte regular de uso xeral: os servizos que se relacionan no anexo II desta orde e que se refiren ao ámbito dos contratos relacionados no anexo I.

2. Servizos de transporte público regular de uso especial-escolares: os servizos de entrada aos centros desde as 7.30 ata ás 10.30 horas, e os de saída desde as 13.30 ata ás 19.00 horas, nos itinerarios de transporte escolar de estudantes de niveis de ensino obrigatorio cuxa lonxitude total sexa superior a 4 quilómetros.

3. Servizos regulares de uso especial para o transporte de traballadores: todos os servizos nas expedicións anteriores ás 9.00 horas e posteriores ás 18.00 horas.

4. Servizos de transporte público regular de uso especial de usuarios de centros socioasistenciais para a atención diúrna de persoas maiores en situación de dependencia ou grave risco de padecela e centros de atención a persoas con discapacidade: os servizos de entrada aos centros desde as 8.00 horas ata as 11.30 horas, e os de saída, desde as 17.00 horas ata as 20.00 horas, así como os traslados dos centros de atención a persoas con discapacidade de Sarria e Redondela, con saídas programadas desde os centros ás 10.45 horas e 16.30 horas, respectivamente.

As empresas de transporte darán a máxima difusión dos servizos concretos que resulten afectados por esta orde ás persoas usuarias a través daqueles medios que permitan o seu coñecemento e, en todo caso, nos propios vehículos, con antelación ao inicio e durante a folga.

Adxúntase documento publicado no DOG.

A Dirección

CONVOCATORIA BECAS COMEDOR 2022/2023 CONCELLO DE A CORUÑA

Xov, 09/03/2023 - 07:14 — admin

Convocatoria Bolsas Comedor Municipais curso 2023-2024

Estimadas familias:

Onte 7 de marzo de 2023 publicouse no Boletín Oficial da Provincia da Coruña a convocatoria das bolsas municipais de comedor para o curso 2023-2024.

Prazo de presentación: do 13 de marzo ao 12 de abril, ambos incluídos.

 Toda a información da convocatoria pódese consultar:

-   Na web municipal de servizos sociais

https://www.coruna.gal/servizossociais/gl/detalle-contido/bolsas-comedor-para-o-curso-escolar-2023-24/suceso/1453831862550?argIdioma=gl

-   Na sede electrónica municipal

https://sede.coruna.gal/sede/gl/tramites-e-servizos-electronicos/guia-de-procedementos-e-servizos/detalle-de-procedementos/bolsas-comedor/contenido/1453739229256?argIdioma=gl

-    No teléfono 010 de información cidadán

NOTA: Entre outros requisitos para acceder á bolsa, a/o alumna/o solicitante deberá ter un DNI, NIE ou número de identificación fiscal válido.

NINGÚN SOLICITANTE TEN QUE PRESENTAR NIN CERTIFICADO DE MATRICULA NIN SOLICITUDE DE MATRICULA, xa que o concello o consultará tras a remisión por parte da Xunta dos listados de confirmación de prazas asignadas nos centros, como o curso pasado.

 

 A Dirección

 

APERTURA PRAZO ADMISIÓN DE ALUMANDO CURSO 23/24

Mar, 28/02/2023 - 09:21 — admin

APERTURA PRAZO DE ADMISIÓN DE ALUMNADO PARA O CURSO 23/24

 

Estimadas familias:

 Comunicarlles que o prazo de admisión de alumnado para o vindeiro curso 23/24, ábrese dende mañá mércores, 1 de marzo ata  o  luns 20 de marzo (ambos incluídos).

 Para realizar a solicitude de admisión poderán realizala por calquera medio electrónico da Xunta (aplicación de admisión de alumnado na páx. Web da Consellería de Cultura, Educación, Formación e Universidades), Sede electrónica, etc..

 

Tamén poden facelo presencialmente no centro se o desexan en horario:

 - Mañás: Luns a venres de 9:30h a 11.00h e das 12:15 ás 13:30h.

 - Tarde: Luns das 16:30h ás 18:15h.

 Teñen na documentación adxunta todo o necesario para poder realizar a admisión sen ningún problema, aínda que calquera pregunta non dubide en transmitírnola.

 A normativa que regula este proceso (anexa), é:

 ORDEN de 21 de octubre de 2022 por la que se desarrolla el Decreto 13/2022, de 3 de febrero, y se regula el procedimiento de admisión del alumnado en los centros docentes sostenidos con fondos públicos que imparten enseñanzas de segundo ciclo de educación infantil, de educación primaria, de educación secundaria obligatoria y de bachillerato reguladas en la Ley orgánica 2/2006, de 3 de mayo, de educación (códigos de procedimiento ED550A, ED550B y ED550C).

 DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

 Grazas a todas as familias.

 Saúdos.

 A Dirección

 

 

ENQUISAS FAMILIAS - PLAN DE CONVIVENCIA

Ven, 10/02/2023 - 08:54 — admin

ESTIMADAS FAMILIAS

Estimadas familias.

comezamos hoxe coa entrega das enquisas ás familias para a revisión/elaboración do plan de convivencia do noso centro.

Do mesmo xeito que indicábamos na circular do mércores, é de gran importancia a vosa participación e colaboración. Este plan de convivencia sen vos perde calquera sentido.

As vosas fillas e fillos levarán hoxe venres unha copia en papel da mesma, pero deixámovosla tamén adxunta neste post.

Lembrar que ben a podedes entregar a través das vosas fillas e fillos ao titor/a ou ben entregala vos mesmas no buzón que se habilitará na entrada da biblioteca do centro. Unha vez que entre o alumnado ao centro xa as podedes deixar. E tamén á tarde en horario das 16:00h ás 18:00h.

Agradecendo de antemán o voso esforzo e a vosa colaboración, reciban un cordial saúdo.

E por último, como xa dixemos, nós aceptámolo reto!.. e vos?.. seguro que sí..

Apertas

A dirección

XORNADAS DE PORTAS ABERTAS 2022-2023

Mar, 24/01/2023 - 10:40 — admin

As xornadas de portas abertas terán lugar o mércores 8 e o xoves 9 de febreiro en horario de 16:30 ou de 17:30. É preciso reservar cita para as visitas chamando ao centro.

Se queredes coñecer o noso cole,  tamén podedes premer na seguinte imaxe para desfrutar dun percorrido dixital:

 

 

Para máis información, premede na seguinte ligazón:

 

 

Agardámosvos!

 

AVISO FENÓMENOS METEOROLÓXICOS ADVERSOS

Lun, 16/01/2023 - 13:45 — admin

AVISO ÁS FAMILIAS

Ante os partes sobre fenómenos meteorolóxicos adversos e o aviso sobre

Alerta dun fenómeno meteorolóxico adverso de nivel LARANXA por vento
e acumulacións de neve
 
Prégase ás familias estar pendentes da páx. web
 
http://www.edu.xunta.gal/portal/
 
ante calquera cambio nas zonas afectadas.
 
Grazas pola vosa colaboración.
 
A dirección.

RESULTADO DAS VOTACIÓNS DOS PRESUPOSTOS PARTICIPATIVOS DO CONCELLO DE A CORUÑA

Lun, 16/01/2023 - 13:37 — admin

 

Estimadas familias:

 

O proxecto presentado pola Comunidade Educativa do CEIP Ramón de la Sagra: “Patio urbano verde, humanizado e sostible” (Proxecto mestra de obra), foi proxecto gañador polo seu número de votos para o distrito 7 do que formamos parte.

 

Agradecemento a todo o alumnado, ao claustro,  a todos e todas vos, á coordinadora do proxecto, a ANPARASA e a toda a comunidade educativa que da maneira que puidéchedes o fixeches posible… GRAZAS!!!!

 

Adxuntamos a nota de prensa do concello onde aparece o resultado das votacións dos presupostos participativos.

 

Cando comezamos unha viaxe xuntos, sempre chegaremos a bo porto, por moitas tempestades que haxa.

 

INFORMACIÓN SOLICITUDE DE PRAZAS NO IES OTERO PEDRAYO. CENTRO ADSCRITO

Ven, 13/01/2023 - 08:51 — admin

 

AVISO ÁS FAMILIAS DE 6º DE E. PRIMARIA – RESERVA PRAZA IES ADSCRITO

 A Coruña, a 16 de xaneiro de 2023

Segundo as INSTRUCIONS PARA A RESERVA DE PRAZA EN CENTRO DE ADSCRICIÓN recibidas hoxe, comunicámoslles aapertura do prazo para a presentación de solicitude co código de procedemento ED550A para cambio dun centro a outro ao que se está adscrito.

 

Isto afecta ao alumnado de 6º de E. Primaria que desexen cursar a ESO no IES Otero Pedrayo, que é o instituto ao que este centro está adscrito.

 

O prazo é do 16 de xaneiro ao 6 de febreiro de 2023.

 

Achégase a instrucción  anexa así como o formulario ED550A necesario, pódese presentar neste centro tanto en soporte físico como dixitalmente.

 

Aconséllase estar atentos ás páx. Web deste centro e a do IES Otero Pedrayo por calquera nova indicación ao respecto.

 

https://www.edu.xunta.gal/centros/iesoteropedrayocoruna/

 

Grazas pola súa atención

 

Saúdos

 

A Dirección.

 

 

Distribuir contido


by Dr. Radut