Curso 2019/20

As titoras de 6º faranlles entrega dos historiais académicos de educación primaria o día 29 de xuño en horario de 10 a 12 (6ºA) e 12 a 14 (6ºB). Os pais/nais, titores/as legais que non poidan vir ese día poderán recoller dita documentación en secretaría en horario de 9 a 14.

Escoitamos os desexos confinados do alumnado de 4º de Infantil B.

A emisión de hoxe é do alumnado de 6º de infantil A. Cóntannos cómo foron as súas primeiras saídas á rúa e tamén nos agasallan con pareados cos seus nomes.

15 DE MAIO - DÍA INTERNACIONAL DAS FAMILIAS

Que importantes son as nosas familias, verdade? A familia é un dos principais piares nas nosas vidas, pero por quen está formada? Pois iso é o de menos... non importa cantas persoas a forman, quen son ou como son... Sabes por que? Porque o único que importa nunha familia é o amor. 

SE HAI AMOR, HAI FAMILIA!

Na aula virtual do Departamento de Orientación podedes atopar varios vídeo contos sobre os distintos tipos de familias, animádevos a velos e desfrutade deles coas vosas  familias...Feliz día!

Despois de tantos días, esperábamos o momento. O momento de saír, de ver a rúa, pasear coa familia, dar unha volta en bicicleta, mercar o pan ou, simplemente, ver o sol. E ese día chegou...O DÍA 0

A Secretaría Xeral de Política Lingüística (SXPL) pon á vosa disposición unha importante selección de materiais relacionados coas festividades destas datas e que vos poden ser moi útiles nesta situación de confinamento. Entre outros, destacan os relacionados coa celebración do Día do Libro (videocreacións, booktrailers, booktubers…). Tédelos en:
https://www.lingua.gal/o-galego/promovelo/equipos-de-dinamizacion-da-lingua-galega/datas-sinaladas/listado?tipo_recurso=Xestion/recurso/Dia_do_Libro/
https://www.cultura.gal/gl/aculturasegue
 
Neste mesmo espazo do Portal da Lingua tamén atoparedes unha gran variedade de recursos educativos e lúdicos para divulgar a vida e a obra de Ricardo Carvalho Calero, autor homenaxeado o Día das Letras Galegas 2020 (unidades didácticas, audiovisuais, pasatempos, xogos…). Mirade en:
https://www.lingua.gal/o-galego/promovelo/dia-das-letras-galegas
 
Mención á parte merece, neste período de crise sanitaria, O meu paso polo quirófano, un álbum ilustrado editado pola SXPL para axudarlles ás rapazas e aos rapaces hospitalizados a pasar polo transo dunha intervención cirúrxica. Podedes descargalo nesta ligazón:
https://www.lingua.gal/recursos/todos?content=/Portal-Lingua/Contido/recursos/promovelo/contido_421.html