Bo día familias, 

nesta semana propóñovos unha serie de actividades máis concretas que gardan relación coas cousiñas que estabamos a traballar na aula. 

Como xa vos comentei en mensaxes anteriores estas actividades son voluntarias e non avaliables, teñen como finalidade botarvos unha man para continuar coas rutinas cos vosos pequenos e pequenas pero por suposto cada un ten unhas circunstancias diferentes así que non vos sintades presionados.

Nos documentos adxuntos aparecen 3 propostas diferentes:

1. Armstrong: 

Nas ultimas semanas estivemos vendo vídeos da misión do Apolo 11 e falando sobre os astronautas. A idea desta ficha e traballar tanto a lectoescritura como o manexo das tesoiras e a lóxico-matemática. A idea é que escriban la liña da ficha a palabra "LÚA" do xeito que eles saiban facer de forma autónoma (se ben é certo que despois podedes escribilo todos xuntos e xogar a cantas letras acertaron). Despois aparece un quebracabezas de Armstrong para que recorten e peguen no recuadro.

Deíxovos un par de enlaces de recreacións da misión do Apolo 11 aínda que na web hai unha morea de videos :)

https://www.youtube.com/watch?v=plQAC-HDSzo  

https://www.youtube.com/watch?v=saGpKm0UrNA  

2. Calendario

 Moitas familias estádesme a comentar que seguides a traballar o calendario todos os días como facíamos no cole. Por iso vos envío unha plantilla dun calendario en branco que podedes comezar no mes de abril e que así os pequenos e pequenas vaian practicando a escritura dos números. É moi importante que non os forcedes e os felicitedes pola súa escritura aínda que non sexa a súa forma convencional. 

Ademais, adxunto dúas follas máis. A primeira é para rexistrar o tempo que vai cada día. Unicamente precisan poñer unha cruz na casilla correspondente.

Pola súa parte, a segunda e para facer o derradeiro día do mes, contando cantos días fixo sol, cantos choveu, cantos estivo nublado e cantos fixo sol e nubes.

3. Delicias de garabatos

A última das propostas é de arte. É unha idea recollida no libro "La cocina de colores" de Hervé Tullet.  Podedes facelo toda a familia e comparar os resultados diferentes que saen partindo das mesmas premisas.

Xa por último comentarvos que neste mes estivo de aniversario o noso compañeiro Miguel e dado que non podemos facerlle a festa no cole propóñovos que cada neno e nena lle faga un debuxo nun folio en horizontal e así despois xuntamos todos nunha presentación e enviámoslla como felicitación de aniversario. Parécevos?

Moitos bicos familias! E, por suposto, se queredes enviar fotos das cousiñas que ides facendo estarei encantada de recibilas