Proxecto de vida activa e deportiva

As actividades que fixemos en terceiro para este proxecto foron as seguintes.

 Carreiras de relevo das tablas

Para practicar as tablas de multiplicar e ademáis fomentar a vida activa e o traballo en equipo fixemos unhas carreiras de relevos. A clase se dividía en tres grupos, o primeiro de cada grupo tiña que ir ao encerado e escribir un resultado dunha tabla que coñecese. Unha vez escrito lle pasaba o relevo ao seguinte, así ata completar toda a tabla.

Director de orquestra

Para fomentar a atención e o movemento xogamos ao director de orquestra, no que todo o mundo se pon en círculo e repite o que faga o director da orquestra. Un dos alumnos ten que poñerse no medio e adiviñar quen é o director

Investigamos mulleres

Investigamos a mulleres que foron importantes na saúde e no deporte como por exemplo Amélia Earthart que foi a primeira muller en cruzar o Atlántico en solitario.

Ou Marie Curie que fixo importantes investigacións no ámbito da saúde descubrindo o polonio. Tamén limos libros moi interesantes sobre elas.

Durante este curso escolar o colexio decidiu incorporar o chamado EQUIPO DE MEDIACIÓN, un grupo de alumnado de 4º, 5º e 6º encargado de mdiar activamente na presenza de conflitos portagonizados por outros alumnos/as do cnetro durante o seu tempo de ocio. O grupo de mediadores reuniuse, entre eles e co coordinador do equipo de convivencia do centro, para pór en común todos os conflitos semanais, sendo a meirande parte deles do ámbito deportivo. A actividade dos mediadores combinouse tamén coa presenza en cada aula dun buzón emocional e de conflitos co fin de enriquecer e complementar a presenza do equipo de mediación. 

En resumo, tanto o equipo de mediación como buzón emocional foron dúas actuacións empregadas por primeira vez neste centro e que deron como resultado unha clara melloría nas relacións emocionais entre iguais e, sobre todo, no tocante á resolución pacífica de conflitos, principalmente acaecidos en actividades deportivas.

En 6ºB de EI estamos a traballar o Proxecto de Centro : "os catro elementos da natureza", e que mellor que con xogo tradicional!

O 29 de maio, varios centros escolares de Mos e Porriño acudimos ao CPI Riveira a realizar unha xornada final de xogos. Participamos en actividades de equilibrio de picas, xogos con paracaídas, o pano, bádminton, pedra papel e tesoira... Coñecemos a moitos nenos/as e pasámolo xenial!

Dende a aula de infantil, desfrutamos ao longo do curso dos beneficios do ioga, mellorando así a nosa concentración, propiocepción... unha práctica regular que melloramos cada día e onde o pasamos fenomenal!!

O pasado 26 de abril gozamos dunha xornada de deporte. Levamos a cabo a xornada final de voleibol no IFEVI con outros centros educativos da zona e compartimos a experiencia de atletismo co alumnado de 4º! Unha xornada moi productiva e divertida!