O alumnado de 4º aproveitando os grandes espazos e a contorna do centro, durante este curso escolar, saíu realizar diferentes actividades gozando da natureza.
Consistiron en realizar o debuxo do corpo humano identificando as súas partes principais, importantes para realizar as funcións necesarias para manter unha vida activa e deportiva.
Tamén saímos da aula para inspirarnos e deseñar o proxecto do novo patio, apuntando as nosas ideas, pensamentos e hobbies. En xeral, gustaríalles crear un estanque, novos espazos para practicar deportes menos comúns como o béisbol ou bádminton, recunchos para a lectura, a construción ou para o baile, entre outros. Sería ideal poder compartir este patio con toda a comunidade educativa! Oxalá o consigamos entre todos!
