Celebracións

FIN DE CURSO

Ven, 23/06/2017 - 00:45 — Ana

Varios alumnos e alumnas de diferentes cursos se xuntaron para animarnos cos seus bailes.

Este ano como sabedes o noso proxecto documental integrado é sobre a arte e ao chegar o entroido celebramos o ARTENTROIDO!!!! O noso colexio encheuse de personaxes moi ilustres coas súas obras máis representativas, KANDINSKY, FRIDA KAHLO, DIEGO RIVERA, DALÍ, PETEIRO, ANDY WHARHOL, MIRÓ, tamén pasaron artistas alternativos e non tan coñecidos que se expresaron libremente e que estamos seguros de que nun futuro falarase deles.

Foi un día moi artístico!!!!

DÍA ESCOLAR DA NON VIOLENCIA E DA PAZ

Lun, 30/01/2017 - 23:50 — Ana

Celebramos o Día da Non Violencia e da Paz construindo o cadro do Guernica. É un cadro simbólico que representa o sufrimento da humanidade durante as guerras, unha protesta contra a brutalidade e a crueldade das guerras.

Propoñémonos cambiar o mundo e baixo a cita de Honoré de Balzac "Se eu cambio, todo cambia" escribimos nunha nota o que podemos cambiar para que o mundo sexa mellor.

O alumnado presentou un acto no que vimos dúas curtametraxes unha sobre a historia da realización do Guernica e outro sobre a explicación do cadro.

Tamén vimos unha presentación realizada pola biblioteca sobre dous símbolos da PAZ, Kofi Annan e a ONU.

Rematamos o acto cantando e bailando a cantiaga QUÉROTE MÁIS do Sonoro Maxín.

FESTEXAMOS O MAGOSTO

Dom, 15/11/2015 - 17:42 — admin

O martes 10 de novembro festexamos o Magosto no colexio.

Todo comezou coa aparición de Casilda e Hermenexilda, que vos pedían colaboración para converter o cole nunha galería de arte chea de natureza.

Con todo o material listo, xa estabamos preparados para dar comezo a celebración. Primeiro observamos como se prendían dúas fogueiras para, posteriormente, bailar arredor delas.

Despois elaboramos as nosas obras de arte cos elementos da natureza recollidos e, finalmente, degustamos as castañas que, como todos os anos, Juan nos asou con moito agarimo.

Deixámosvos fotos na GALERÍA da páxina web e un pequeno vídeo cos mellores momentos dese día.

Esperamos que vos guste!

NORABOA POLO GRAN TRABALLO!

blogue de admin

BENVIDOS

Mar, 08/09/2015 - 21:33 — admin

Benvidos a este novo curso que está a piques de comezar!

Feliz reencontro!

O xoves 10 de setembro comezamos un novo curso.

HELLO CHILDREN!!!! SEE YOU ON THURSDAY!!!!

blogue de admin

UN LIPDUB POLA PAZ!

Mar, 24/02/2015 - 15:01 — admin

Este ano no colexio pola conmemoración do DÍA DA PAZ acordamos (dende os diferentes equipos) realizar un Lipdub.

Un LIPDUB é un vídeo musical realizado, nunha soa toma, por un grupo de persoas que sincronizan os seus movementos acorde a unha canción.

Foi unha experiencia creativa moi divertida e enriquecedora.

Dende eiquí o noso enorme agradecemento ao alumnado e a todo o claustro de mestres (tanto os que aparecen na gravación coma os que están agochados levando a cabo outras funcións non menos importantes), que co seu esforzo e adicación conseguimos elaborar algo tan especial.

FELIZ DÍA DA PAZ!!

Non vos perdades o vídeo realizado pola mestra Ángeles sobre as tomas falsas do lipdub e as nosas pedras pola Paz, porque "A PAZ PODE SER A SUMA DO BO DE CADA UN"

blogue de admin

OS CARTEIS DO INVERNO E NADAL XA ESTÁN EIQUÍ!

Dom, 14/12/2014 - 17:04 — admin

O alumnado participou na elaboración de carteis dixitais co motivo do inverno ou Nadal.

As normas non eran máis que elaboralo no programa Word, empregando imaxes, texto e deixando voar a súa imaxinación. O resultado foi moi satisfatorio.

Mirade!