O alumnado do colexio xuntouse para conmemorar o Día das Letras Galegas, participar na entrega do agasallo pola participación no Certame Literario e ver as curtametraxes dos nosos compañeiros e compañeiras.

Por outro lado, desde o EDLG, propúxose  unha campaña ca que se pretendía concienciar o alumnado do centro  das innumerables cousas que nós como galegos e galegas podemos presumir. Unha reflexión que nós faga por en valor todo o noso. O resultado como vedes foi espectacular. Podemos presumir de tantas e tantas cousas: de língua, paisaxe, chuvia, cocido, praias, de magosto, de Maios…..

Durante esta semana os alumnos e alumnas de 1º e 2º de primaria continuamos "póndolle as pilas ao noso bocata" a través da estructura do grupo de expertos. Por grupos buscaron información sobre os animais mariños cos que se poden elaborar conservas. 

Unha vez recopilada e posta en común, da información en cada grupo, fixeron unha exposición do traballo realizado ao resto dos compañeiros.

Dende o equipo de Dinamización Lingüística fixeron unha recompilación de material para traballar o autor homeneaxeado, neste ano, o Día das Letras Galegas: Manuel María.

Só tendes que clicar na seguinte imaxe para poder acceder a todo o material.

Na clase de Educación Física, os alumn@s de 4º de Educación Primaria elaboraron un menú para as tres comidas dun día que levou, necesariamente, conservas nalgún horario.

Pretendemos relacionar os principais hábitos de alimentación coa actividade física (horarios de comidas, calidade/cantidade dos alimentos inxeridos...)

Para levar a cabo esta actividade, empregamos a estrutura "Os catro sabios" coa que reflexionaron e asumiron os grupos alimenticios. Averiguaron superficialmente, por grupos, a composición maioritaria e minoritaria de diferentes nutrientes das conservas non vexetais. 

Por último, coa técnica de "preguntas encadeadas" reflexionaron sobre os diferentes menús elaborados en grupo.

Con motivo da conmemoración do día do libro, 23 de abril, dende a escola queremos homenaxear a Miguel de Cervantes, no seu catrocentos aniversario do seu falecemento, con varias actividades.

Unha delas foi un acto onde un afamado actor, que interpretou a Cervantes, contounos a súa vida. Aproveitamos, tamén, para que a alumna Maria Calvar, gañadora de varios premios, lera algunha das súas creacións literarias e posteriormente visionamos varios episodios do “EL INGENIOSO HIDALGO DON QUIJOTE DE LA MANCHA”.

 Non vos perdades, tamén, outras actividades no blogue da biblioteca.

O mércores 13 abril o alumnado de 5º e 6º EP realizou unha interesante actividade: un obradoiro de interpretación da lectura, impartido por Damián Alonso, actor de dobraxe e con experiencia en locución, publicidade, narración….

O obradoiro foi totalmente práctico e participativo e o alumnado puido facer unha lectura interpretada de distintos tipos de guión coas indicacións que o poñente lle ía dando.

O programa pretende achegar aos nenos e nenas ao medio natural, facendo reflexionar e explorar os seus elementos, os alimentos necesarios para a supervivencia e os beneficios que nos achegan.

O programa aproxima aos nenos e nenas ao medio rural e mariño, co obxectivo de potenciar o consumo dos seus produtos entre o alumnado mediante un proxecto interdisciplinar que leva a cabo accións educativas diversas, destinadas a manter e fomentar nas escolas hábitos de consumo saudables. O alumnado pode experimentar, observar e chegar a descubrir as súas características e propiedades tan necesarias para nós.

Ponlle as pilas ao teu bocata

“As conservas temos unha chea de enerxía para o teu bocata”

Ter unha dieta rica e equilibrada é fundamental para crecer. Levar unha alimentación adecuada, completa e variada dáche a enerxía necesaria para facer o que che guste durante o día.

As especies mariñas en conserva, xunto cunha gran variedade de alimentos vexetais, cereais, lácteos.. serviranche para elaborar os teus propios bocatas! Experimenta con todas as combinacións que se che ocorran, e gozarás de infinidade de sabores que che achegarán todos os beneficios enerxéticos que necesitas para crecer san e forte!