Dinamización Lingüística

O mércores 30 de outubro celebramos o Magosto e o Samaín no colexio. Como vén sendo habitual tivemos unha  Exposición de cabazas coa premisa de que para a súa elaboración as familias empregasen materiales reciclados. Os nenos e nenas do colexio desfrutaron do día comendo castañas asadas e celebrando o Samaín.O alumnado que o desexou puido asistir caracterizado. O lema elixido pretendeu concienciar da importancia da redución dos residuos que tanto contaminan o noso planeta.

O 24 de outubro celébrase o Día da Biblioteca. As bibliotecas acostuman celebrar este día e no noso colexio este ano preparamos un buzón de suxerencias acerca do contido das mochilas viaxeiras. Para nós é importante contar coa opinión do alumnado para que poidan desfrutar do material que conteñen as mochilas. Asi que ao longo da semana estivo o buzón na entrada da biblioteca para que poideran aportar as súas inquedanzas. A única premisa era que tiveran en conta o PDI: Tilandra pensa en verde.

O alumnado de quinto e sexto prepararon uns contos de medo para lerlles aos máis pequenos do cole. Disfrazáronse e representaron as súas historias  preferidas. Algunhas creadas por eles, outras adaptadas dos contos clásicos. Unha actividade moi enriquecedora para todos e todas. O entusiamo trasladárono ao traballo realizado. Noraboa aos participantes!

En relación co PDI: Tilandra pensa en verde, o alumnado de primeiro e segundo de educación primaria asistiron a un obradoiro de títeres con material reciclado: teas, la, cartón... Deixámosvos unha pequena mostra.

Os nenos e nenas de 6º de Ed. Infantil asistiron á representación da obra de monicreques "A toupiña que quería saber quen lle fixera aquilo na cabeza".

Ao longo deste curso pretenderemos afondar no coidado da nosa contorna como parte principal do PDI: Tilandra pensa en verde. Sinalar a importancia de coñecer e apreciar a natureza da nosa terra. E para comezar có proxecto deste curso que mellor cá un obradoiro onde nos expliquen a importancia dos noso bosques.Así é que o alumnado de quinto de Ed. Primera participou nun obradoiro impartido por ASEFOGA, Axencia Galega da Industria Forestal que en colaboración ca Asociación de Desenvolvemento Rural puxo en marcha o proxecto "Divulgación da industria forestal en centros educativos de primaria". Mediante este obradoiro o que se pretendeu foi levar ás aulas a importancia e as vantaxes da industria forestal. Para iso abordaron catro temáticas relacionadas co medio ambiente:

-A madeira na construción.

-A xestión forestal sostible.

-Vantaxes ambientais do uso da madeira.

-A biomasa como produción de enerxía

 O nome de Barriga Verde resoa na memoria de moitas persoas e para que non corra o risco do esquecemento apareceron distintas iniciativas procedentes dos eidos do audiovisual, do teatro e da investigación do patrimonio titiriteiro galego. Unha destas iniciativas é a Exposición itinerante -Onde foi Barriga Verde?, que visitou o noso colexio.

Este ano comezamos cun novo proxecto "TILANDRA PENSA EN VERDE", aprenderemos a importancia de coidar o noso planeta. Ao longo do curso realizaremos distintas actividades: saídas, conferencias e obradoiros

Cando visitedes a Exposición, na entrada do colexio atoparedes este tríptico con información sobre os diferentes andares e  do edificio onde se atopa 4º e 5º de educación infantil.

O martes 4 de xuño celebramos a xornada de portas abertas da Exposición "Tilandra medra sa". Na entrada acharedes un mural con códigos QR onde veredes os traballos realizados ao longo do curso.