O 21 de marzo, conmemoramos o Día da Poesía. Relacionando a data co proxecto deste curso "Espallando saberes", decidimos visitar a Tilandra nas ondas para gravar poemas da nosa terra. Cada aula elixiu un escritor ou escritora de poesía en lingua galega, investigaron sobre a súa biografía e elaboraron un podcast. O alumnado gravou poemas de Luisa Villalta, Letras Galegas 2024; Rosalía Morlán, que acode aos colexios a ler poemas; Manuel María, Letras Galegas 2016; Antonio García Teijeiro, dedicado principalmente a literatura infantil e xuvenil; Ana María Fernández, Premio Lazarillo 2001 e Xela Arias, Letras Galegas 2021.

As nenas e os nenos de 1º e 2º de educación primaria, gozaron dunha xornada de xogos ao aire libre. Pasárono xenial!

O alumnado de sexto en colaboración co Concello de Teo, asistiu a gala das regueifas 2024 no Teatro Principal de Santiago. Alí entregáronse os premios aos gañadores deste certame. Os nenos e as nenas de quinto e sexto de educación primaria, participaron enviando a súa creación. Desta vez non houbo sorte porén seguirán regueifando para participar o vindeiro curso.

Co gallo do Día Internacional da Radio, o alumnado de quinto de educación primaria elaborou un podcast coa temática: cancións coa palabra radio. O primeiro paso foi repartir as tarefas. Un grupo dedicouse a pesquisa de cancións onde aparece a palabra radio. Outros prepararon a parte da historia, a introdución e a despedida. E todos aprenderon a manexar o audacity, cortaron e gravaron as cancións para transformalas en mp3, para poder gravar o podcast.

O 8 de marzo é unha xornada para reivindicar a igualdade e para facer balance da situación das mulleres na sociedade. Nas actividades desenvolvidas no colexio, tratamos de visibilizar á mulleres que loitaron en distintas épocas. Comezamos co alumnado de infantil, que debuxou a súa muller favorita. Asemade, as familias investigaron sobre elementos iconográficos, rúas, edificios..., que tivesen como protagonista unha muller. Realizaron fotografías coas que construímolo mural do 8-M. Como remate, todos xuntos elaboramos un collage, inspirándonos nos cadros de mulleres que realiza Vanesa Lodeiro. 

Velaquí tedes o acontecido.   

O alumnado de educación primaria, visita ao longo desta semana o centro galego de arte contemporáneo. Primeiro e segundo desfrutaron a semana pasada da saída e dun obradoiro, onde experimentaron con diferentes técnicas e materiais.

Se premes na imaxe, accederás á galería que actualizaremos ao longo da semana.

Os nenos e as nenas do colexio dos Tilos en colaboración co concello de Teo, visitan a Casa Museo de Rosalía de Castro. Comezou a actividade o alumnado de quinto e sexto de educación primaria. Os vindeiros días acudiran o resto do alumnado. 

O alumnado de cuarto de educación primaria, saíu ao Teatro Principal para ver a representación: "Wombo Combo".