O pasado xoves, 7 de novembro celebramos o magosto no colexio. Comezamos a mañá con xogos populares do mundo; para levar adiante a actividade, contamos coa marabillosa axuda do alumnado de sexto. Mentres os nenos e as nenas do cole xogaban a encestar castañas no tragalandras ou a saltar de aro en aro en "Gústanche os veciños"; o castañeiro estaba asando as castañas que logo máis tarde puideron comer a rapazada do cole. Velaquí tedes un vídeo para que vexades como se desenvolveu a xornada.

Mañá xoves 7 de novembro, celebraremos o magosto no colexio. Comezaremos con xogos do mundo, en relación ao proxecto de centro deste curso. Continuaremos a xornada coa desgustación de ricas castañas asadas; actividade na que colabora o centro e a ANPA COBAS. 

 O alumnado de quinto e sexto de educación primaria, prepararon contos de medo e de outono, para lerlles aos nenos e nenas dos demáis cursos do cole. Todos e todas gozaron moito das lecturas, ademáis das interpretacións tan divertidas que fixeron. 

Dende 2016, celébrase o Día das Escritoras co fin de reivindicar o labor e o legado das escritoras a través da historia. No colexio dos Tilos parécenos importante sinalar este día, por iso cada aula indagou sobre a vida e obra dalgunha escritora e gravaron un podcast en Tilandra nas ondas. Esperamos que vos guste!

O alumnado de 1º e 2º de educación primaria, asistiu á actividade programada para os escolares polo Concello de Teo "Os contos de Lubicán"

Co gallo da celebración do Día da Biblioteca Escolar (24 de outubro), damos apertura a nosa Biblioteca. O alumnado colaborador  de 6º de E.P.,encargouse de dar a benvida a Biblioteca ao resto dos compañeiros e compañeiras léndolles a todos os cursos, (segundo un horario establecido), a carta que nos enviou a nosa mascota Tilandra “Tilandra davos a benvida”. Ao mesmo tempo, tamén comunicaron ao resto do alumnado as normas de funcionamento para cando fagan uso deste espazo.

Ao longo deste curso 2024-2025, desenvolveremos no centro o Proxecto Documental Integrado: "Espallando Saberes polo mundo"