CEIP Plurilingüe Os Tilos

Os bolechas visitan o colexio para presentar un novo libro: Os bolechas visitan Teo. Este libro foi editado coa axuda do concello teense. As aventuras dos Bolechas percorren os lugares máis emblemáticos de Teo, a través do Camiño de Santiago Portugués, que pasa polo municipio. A cativada desfrutou dos Bolechas!

Os nenos e as nenas de 1º e 2º de educación primaria, saíron do colexio para desfrutar da excursión final de curso. Visitaron na Coruña: o acuario, a Torre de Hércules e pasárono pipa no parque de Eirís.

O alumnado de preimeiro e segundo, visitaron a granxa de Feiraco en Mazaricos.

Os nenos e as nenas de segundo de educación primaria asistiron ás xornadas de atletismo galego organizadas en Ordes.

Para a matrícula hai que presentar a seguinte documentación:

• Impreso de formalización de matrícula.

• No caso de pais separados, deberá vir asinado por ambos proxenitores.

• Fotopia da sentenza ou convenio regulador, no caso de pais separados.

• Dúas fotos.

• Fotocopia da tarxeta sanitaria do alumno/a.

• Fotocopia do libro de familia (follas onde aparecen os pais e folla onde aparece o alumno/a).

• Certificado/volante de empadroamento.

• Solicitude de transporte e comedor escolar, se é o caso.

• Só para alumnos que se matriculan no 4º curso de E.Infantil (3 anos):
• Cuestionario no que se fai constar a lingua materna do alumno/a e recollida de datos iniciais.

O alumnado que se matricula en primaria,aportará certificado académico.

No caso de alumnos con NECESIDADES ESPECÍFICAS DE APOIO EDUCATIVO deben aportar a documentación que acredite as circunstancias que fundamentan esta petición.

Documentación adxunta para descargar:

Para máis comodidade de lectura podedes consultar o arquivo PDF.

Bo verán!

O venres 24 de maio, en colaboración coa ANPA do colexio, as nenas e os nenos aprenderon  a traballar a la, para facer pulseiras e colares. Desireé de La con Agarimo explicoulles como se tecía antes de facelo coas agullas e o alumnado de cuarto, quinto e sexto de ed. primaria axudaron aos máis pequerechos do cole. Unha mañá moi entretida.

Preme na imaxe!

Elaboración conxunta dun collage coa caricatura da autora homenaxeada este curso: Luisa Villalta. 

Co motivo das Letras Galegas, entre outras moitas actividades, estívose traballando a música tradicional galega en educación musical. Preparáronse uns bailes que son o resultado da fusión entre o baile tradicional e o actual. Algún alumnado voluntario de sexto de ed. primaria, interpretou ademais, O Cantar do Liño, unha cantiga tradicional que se utilizaba antigamente nas tarefas de mazar o liño.

Bailes:

-Muiñeira de Picota de Xavier Díaz.

-Aire de Tanxugueiras.

-Troupele de Mondra.