Fondo solidario de libros de texto e axudas para adquirir libros de texto e material escolar
Aínda quedan familias pendentes de presentar a solicitude, por favor non o deixedes para o último día, canto antes mellor.
ORDE do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/21
Prazo para presentar solicitudes (Anexo I e Anexo II)
- O prazo para presentar solicitudes iniciarase o día seguinte da publicación desta orde no Diario Oficial de Galicia e rematará o día 19 de xuño de 2020 (este incluído).
- O alumnado que, unha vez transcorrido o prazo indicado, se incorpore a un centro docente sostido con fondos públicos procedente de fóra de Galicia ou dun centro situado en Galicia pero non sostido con fondos públicos poderá presentar a solicitude no prazo dun (1) mes contado a partir do día seguinte á formalización da matrícula. Non se poderán presentar solicitudes despois do 31 de marzo de 2021.
-
O alumnado de 6º de Primaria que vai ao instituto deberá poñerse en contacto co Instituto de destino para a presentación da solicitude.
Documentación que acompañará á solicitude
Recomendase a presentación a través da sede electrónica, de ser preciso presentala no centro traerase sempre que sexa posible cuberta e firmada (prestade atención no anexo II xa que se solicitan todas as firmas dos membros da unidade familiar), e se solicitará cita para acudir ao centro para a súa presentación a través do teléfono 886120268 ou correo electrónico ceip.osello@edu.xunta.es. Non se atenderá a ninguén que non solicitara cita previamente.