Informamos que xa está aberto o prazo de solicitude das Becas NEAE para o curso 23/24.

O prazo de presentación é dende o 8 de maio de 2023 ao 20 setembro de 2023. Recomendamos non agardar ata o último momento.

Como novidade para o vindeiro curso, poderán percibir unha axuda de 400 euros, subsidio para gastos adicionais de carácter xeral, para todos aqueles solicitantes que acrediten NEAE e cumpran os requisitos da convocatoria.

Para poder solicitalas, pida información no Gabinete psicopedagóxico ao que acude o seu fillo/a, ou no centro escolar no Departamento de Orientación.

Continuando co PDI da Biblioteca Escolar deste ano: "Dende o Sello para o mundo" mostrámosvos a instalación artística deste 3º trimestre, a cal está baseada na carta. 

Esperamos que vos guste. :)

O alumnado de 5º e 6º tivo esta semana unha charla impartida por COGAMI(Confederación Gallega de Personas con Discapacidad) sobre a sensiblización para concienciar sobre a diversidade que existe na sociedade. 

Deixámosvos un pequeno video para que vexades un pouquiño do que fixeron. 

Aproveitando que o PDI de centro son os medios de comunicación e este trimestre adícase aos medios audiovisuais, o alumnado do centro estivo fedellando cos micros, cámaras, iPads e apps de edición do espazo creativo de BiblioSello.

Fixeron uns traballazos! Dádelle ao PLAY.

O grupo de infantil cóntanos o seu libro favorito da Biblioteca.

En 1º e 2º fixeron unhas reseñas literarias marabillosas. E nótase o que lles gustou estar diante da cámara!!

Esta semana a adicamos ao Día do Libro, por iso dende as aulas e a biblioteca fixemos un montón de actividades: dende adiviñar o libro oculto a través dunhas pistas diarias, invitar as familias a que lerán un conto nas aulas dos seus fill@s, a crear os libros das súas vidas...

Deixámosvos un video para que vexades o moito que traballaron e desfrutaron.