Algunhas das nosas familias animáronse a enviarnos algunhas fotos facendo as actividades propostas dende Voz Natura. Neste caso extraen sementes de cabazas e sandías.
Os nenos e nenas de segundo animáronse de novo cos retos de Voz Natura. Este mes de novembro o reto é investigar flora e fauna. Estiveron recolectando diferentes tipos de plantas e follas.
Fixeron unha exposición con todas elas, recolleron diferente información e puxerona ao alcance de todos para compartir o que aprenderon.
Dende Voz Natura queremos ofrecervos a toda a comunidade educativa unha proposta de actividades para levar a cabo nas aulas, ou en familia.
Este ano Voz Natura xunto ao noso proxecto de centro, "Naturalíza-T", invítanos a aproveitar todas as posibilidades que nos ofrece a natureza, que son infinitas. Deste xeito contribuiremos a coidar o planeta e non xerar máis lixo, posto que todo o elaboraremos con materiais inofensivos para a Terra e o medio ambiente.
Se vos animades a realizar algún destes talleres, gustaríanos recibir as vosas fotografías para amosalas nesta mesma páxina.
Animádevos!!
1- TALLER DE PINTURAS ECOLÓXICAS.
Neste taller ensinaremos aos pequen@s a elaborar pintura con alimentos. O video danos algunhas ideas, pero seguro que vos coñecedes máis.
2- TALLER DE DEBUXOS CREATIVOS.
Neste taller poden elaborar de xeito autónomo e creativo diferentes debuxos con follas, flores...
3- TALLER DE ANIMAIS.
Con piñas, ramas, follas, carozos... pódense facer moitos tipos de animais.
4- TALLER DE INSTRUMENTOS MUSICONATURAIS.
Seguro que os vosos avós neste taller vos poden botar unha man, pedídelle axuda, é moi posible que na súa infancia fixeran algúns.
Os nen@s de 5 anos de infantil uníronse as propostas de Voz Natura e do proxecto Naturíza-T de coidar o planeta e non contaminar. Por iso decidiron facer os seus dorsais con follas que eles mesmo recolleron.
Unha iniciativa moi moi creativa!! un aplauso moi grande par todos eles.
Os nenos e nenas de terceiro animáronse a repor plantiñas nos tarros colgantes. Nesta ocacasión escolleron cactus que foron proporcionados polas mestras ou algunha familia.
O vindeiro sábado día 27 de Novembro de 2021, terá lugar a proba Eurocidade Urban Trail Night, entre Valença e Tui, a partires das 20:00h.
Dende o equipo de Deporte Escolar do Ceip Nº2 de Tui, imos participar na proba de apoio ao avituallamento, como voluntarios. Convidamos a aqueles alumnos/as de 6º de primaria que queiran axudar e colaborar na proba como voluntarios, so teñen que cubrir a seguinte notiña.
A colaboración consistirá en repartir o avituallamento aos corredores na zona do Centro Interfederado de Tui entre as 20:00 e as 21:20h, estando sempre acompañados de mestres do colexio e as familias se o consideran oportuno.
O pasado sábado 6 de novembro de 2021, as 16:00h tivo lugar a Aloia Kids Trail, unha proba de correr gozando do entorno do Parque Natural do Monte Aloia en Tui. Da nosa escola animáronse a participar moitos alumnos e moitas familias. A nosa noraboa a tódolos/as participantes e tamén aos gañadores. Aquí queremos compartir os premios dalgúns dos gañadores.
Os días 19, 20 e 21 de outubro de 2021, tivemos a Vladimir e Alberto do Club Tenis de Mesa que adestran no Casino de Tui e xon importantes xogadores de este deporte.
Con eles o alumnado de 4º, 5º e 6º, practicaron Tenis de mesa e pasaron unha clase divertida, xogando coas raquetas e pelotas.
Tamén nos convidaron a visitar as instalacións do Casino os martes de 16:30 a 17:30 e desfrutar do Tenis de mesa.
O alumnado de 3º e 4º de Educación Primaria colaborou, xuntamente con outros coles, coa asociación Vontade de Tomiño enviando cuestións e dúbidas sobre a discapacidade.
Como resultado, as persoas integrantes desta asociación, crearon o vídeo que podedes ver premendo no seguinte link: