Esta semana abriuse o prazo de inscrición para participar na cuarta edición do campamento municipal de Forcarei.

Está dirixido a nenos e nenas de entre tres e doce anos, é dicir, nados entre os anos 2011 e 2019. As actividades comezarán o 3 de xullo e prolongaranse ata o 8 de setembro, con grupos abertos tanto no centro social de Forcarei como no salón de actos de Soutelo de Montes. Celebraranse de luns a venres, de 9:00 a 14:00 horas. Os interesados ​​poden apuntarse ata o 23 de xuño.

Esta iniciativa busca favorecer a conciliación da vida laboral e familiar durante as vacacións estivais dos escolares.

As familias interesadas poden descargar o formulario na páxina web www.forcarei.gal e presentalo cuberto nas dependencias municipais xunto co resto da documentación requirida.