blogue demaria.luisaotero

A vindeira semana farase a entrega ás familias do material que o alumnado ten  no centro.

Debido á situación de alerta sanitaria, para evitar aglomeracións, establécense as seguintes quendas de recollida  en horario de 10 a 13 horas:

• Educación Infantil: luns, día 1 de xuño (Edificio E. Infantil)
• 1º, 2º e 3º de E. Primaria: martes, día 2 de xuño  ( Edificio E. Primaria)
• 4º, 5º e 6º de E. Primaria: mércores, día 3 de xuño (Edificio E. Primaria)

O alumnado que teña na casa libros da biblioteca escolar ou maletas viaxeiras deberá devolvelo ese día.

As familias con alumnos en distintos niveis poden recollelo todo no día que lle corresponda ao maior deles.

Grazas pola colaboración.

Restablecerase o prazo para a presentación das solicitudes de admisión de alumnado en centros docentes sostidos con fondos públicos, polo tempo que restaba cando se declarou o estado de alarma, de xeito que se iniciará o día 11 de maio de 2020 e rematará o día 18 do mesmo mes. (DOG 6 de maio).

O Centro permanecerá aberto en horario habitual de mañá: de 09:00 h a 13:10 h a partir do día 11 de maio.

Debido á situación na que nos atopamos establécense as seguintes normas:

• É preciso pedir cita previa  no teléfono  do centro ( 886 151 752 ) ou no correo electrónico (ceip.nosasenhora.piedade@edu.xunta.gal).
• A admisión  pódese realizar de xeito presencial,  cumplimentando os anexo II e Anexo IIB  debidamente firmados polos proxenitores ,  ou a través da sede electrónica https://www.edu.xunta.es/admisionalumnado/ con chave 365 ou certificado dixital.
• Á hora de entregar a documentación solicitada só se permitirá a entrada dunha persoa no centro.
  

O alumnado que xa está matriculado no centro NON ten que facer ningunha xestión.