Vídeos do centro

O pasado venres, para conmemorar a Semana da Prensa, o alumnado de 1º e 2º curso de Primaria do noso colexio, representou un Telexornal con novas de todos os eidos da nosa contorna. Fixérono xenial, así que animádevos a velo clicando no vídeo que aparece a continuación.

Aproveitando que estabamos todos xuntos, os alumnos e alumnas de 6º curso quixeron homenaxear as mulleres máis importantes nas súas vidas, amosándonos os múltiples traballos que pasaron para poder saír adiante. Nós tamén nos unimos a eles e agradecemos a loita no día a día das mulleres, sempre traballando por un futuro mellor.

O entroido xa está aquí e para darlle a benvida, xuntámonos cos demais centros da contorna no Auditorio Muicipal de Vila de Cruces nos Atranques Escolares dos Xenerais da Ulla.

Velaquí as parrandas coas que participamos o alumnado de 5º e 6º curso. Agardamos que vos gusten!!

O pasado 10 de decembro foi o Día da Declaración Universal dos Dereitos Humanos e, para celebralo, o alumnado de 5º curso de Primaria deleitou a todo o colexio con varias representacións. Botádelles un ollo, xa veredes o ben que o fixeron!!

- Ensináronnos a importancia deste día, así como os Dereitos Humanos máis significativos

- Déronnos ideas para solucionar os conflitos pacíficamente

-Interpretáronnos o tema "No dudaría" de Rosario

Aprendemos un montón de cousas, gran traballo!!