Como ben sabedes, as clases están suspendidas presencialmente debido ao Covid-19, polo que deberemos permanecer en confinamento cada quen no seu fogar.
Ante esta situación inusual, presentámosvos as actividades de reforzo propostas polo equipo de mestres e mestras para o seu alumnado.
Recordámosvos que estas actividades non serán avaliables, pero si revisables. Por conseguinte, estableceremos unha comunicación bidireccional co alumnado e as familias, podendo así titorizar na medida do posible o traballo que os nenos e nenas vaian elaborando, do seguinte xeito:
- Para enviar a planificación e o traballo do alumnado empregaremos sempre esta entrada da páxina web, ordenada por cursos e materias nos enlaces que aparecen a continuación. Recomendamos, por tanto, que sexa revisada habitualmente co fin de ir coñecendo as posibles actualizacións e novas tarefas.
- Para que o alumnado e as familias nos fagan chegar as dúbidas ou preguntas que vaian xurdindo, e tamén para reenviarnos as actividades elaboradas ó/a mestre/a correspondente, achegamos ao pé do traballo indicado en cada curso unha dirección de mail.
Lembramos que algunhas das tarefas atópanse como adxunto.
Infantil 3 anos
Infantil 4 anos
Infantil 5 anos
1º Primaria
2º Primaria
3º Primaria
4º Primaria
5º Primaria
6º Primaria
Lingua Estranxeira: Inglés
Música
Relixión
Educación Física
Departamento de Orientación
