Deixovos adxunto un PDF con actividades para levar a cabo en lugares reducidos con globos e material reciclado que todos temos pola casa.
A parte disto, vouvos dar un par de avisos:
- Por unha banda, estou rematando xa de preparar as probas do terceiro nivel de un minuto para gañar, na vindeira semana terédelas aquí colgadas así que estade atentos.
- Por outra banda, agradecervos enormemente aos que estades enviando vídeos para o reto Contracovid-19, xa levamos unha morea de puntos acumulados. Contamos con máis de 60 vídeos xa, que estamos montando para que queden ben bonitos, pero precisamos máis para poder acadar as vacinas para todas as persoas da vila. Por isto, pídovos que animedes aos que aínda non participaron a que o fagan porque é dobremente divertido: por un lado facelo, e por outro lado verse no vídeo final. Ademais que será un precioso agasallo para recordar este curso que está a ser un tanto diferente.Aínda tedes tempo de facelo, pero bulide porque axiña rematará o prazo e así poderemos ver o resultado final, que agardo que vos guste.
Por certo, aos que estades mandándome vídeos, enviareivos unha copia do produto final ao correo desde onde me estades escribindo, ademais de colgalo na web do cole.
