Complementarias

Este ano, tivemos que organizar o Entroido Escolar dentro do centro, xa que as condicións meteorolóxicas foron adversas. O tema elexido foi "estilos musicais". Dende o centro queremos dar as gracias:

• Ao Concello, por prestarnos o escenario e as vallas.
• A protección civil, por axudarnos na seguridade.
• Ás familias, pola súa actitude positiva e participativa durante o desfile, que facilitou moito unha boa organización. e tamén a todos e todas os que nos axudaron a facer os disfraces.
• Ao alumnado do centro, que tivo un comportamento exemplar.
• Ao noso equipo docente polo gran traballo neste Entroido.
• A Rebeca Garrote e María, pola axuda e apoio de xeito voluntario.
• Á charanga MekaniKa, pola animación e profesionalidade que mostraron durante toda a xornada.

O grupo "daboapipa" actuou, o xoves 20 de novembro, co motivo do "DÍA INTERNACIONAL DA INFANCIA", no Auditorio de Cedeira para todo o alumnado do Ceip Nicolás del Río. A actividade organizada pola A.N.P.A Picapeixe e o Ceip Nicolás del Río tivo unha moi boa acollida por parte do alumnado. Dende o centro, destacamos o excelente comportamento do noso alumnado durante toda a actividade, o agradecemento a policía local e ao Concello de Cedeira e a calidade e profesionalidade do grupo "daboapipa" que nos deixou gratamente sorprendidos coa actuación.

Como se enche unha agulla? , como se fai un nudo? , é díficil facer un rolo? , con que aparello se pesca o rape? e a merluza? , que é un entrallo?..
O mércores 11 de xuño en horario escolar , a Asociación de Redeiras de Cedeira respondeu a estas e outras cuestións da súa artesanía ante todos os nenos e nenas do CEIP Nicolás del Rio que tamén puideron realizar practicas sinxelas cos aparellos , cordas , agullas...
A actividade enmarcada nos Xogos Mariñeiros da Anpa Picapeixe é tamén un recoñecemento e honra a todas as mulleres que traballaron e traballan na rede e aportaron ás súas familias e a Cedeira o seu valor , a súa arte e a súa destreza : Redeira , das túas mans , Cedeira ; faise ó mar!!!. (Preme na imaxe para ver as fotos)

Rafael Usero, un gran historiador da nosa Vila, visitou aos nenos e nenas de 6º de Educación Primaria.

O Venres chegou o día do desfile de Entroido do Ceip Nicolás del Río. O vento foi o responsable de facer un percorrido máis curto para evitar cruzar as pontes. A pesar de que as condicións climatolóxicas non deixaron lucir moito o desfile, polo menos puidemos sair e non nos choveu neses intres. Non foi esta semana especialmente alegre na nosa Vila e no Colexio, pero a pesar de todo intentamos disfrutalo logo de todo o traballo feito polos alumnos/as, mestres e coa colaboración de moitos pais e nais que dende aquí lles damos mil gracias. Tamén queremos agradecer a axuda das mestres de prácticas Eva e María, e a Jose Antonio, Magda e Andy que nos acompañaron formando o grupo de música xunto con varios alumnos e a mestre Carmen Lorenzo. Preme na imaxe para ver as fotos que iremos poñendo.

Na semana do 18 ao 22 de novembro estivo no noso centro a exposición da ONG "Jóvenes y desarrollo" baixo o tema "O prometido é débeda". Os temas que trataba esta actividade eran o comercio xusto, a débeda externa, o 0,7%, a pobreza no mundo, etc... Entre as actividades realizadas destaca a visualización dun video dos 8 obxectivos do desenrolo do milenio para o 2015, a realización dun cuestionario buscando as respostas nos 3 paneis e o análise e reflexión dos temas tratados. Preme na imaxe para ver as fotos.

Este venres, aproveitando que o mes das flores remata, celebramos unha pequena festa cos máis pequeños do cole.
Os nenos e nenas de educación infantil colaboraron co seu ramiño de flores traido da casa, e vestidos de Branco, nestas primeiras “Maias de Maio”, unha exaltación da cultura tradicional galega arredor das flores de maio.
E como nunha festa ten que haber baile e música, os nenos e nenas interpretaron danzando dúas pezas musicais, para o que contamos coa colaboración e bo facer musical de Cuxa e Jose Antonio. Gracias a todos e todas por colaborar!!!

Mural feito polos nenos e nenas de Educación Infantil....

G

En Educación Infantil, as mestras organizaron uns obradoiros relacionados co MAGOSTO. Os nenos e nenas aprenderon a facer zonchos coas castañas, a debullar e esfollar o mainzo, viron un video e fixeron un pequeno libro. Para rematar bailaron con música en directo. Preme na imaxe para ver as fotos da actividade.

Chegou o Samaín a escola, dan man do mestre Rafael López Loureiro (Calel) e os seus alumnos de 5ºC, "SAMAÍN NA ESCOLA, UN MUNDO DE TRADICIÓNS, DE CULTURA, DE SENTIMENTO E LEDICIA".