No presente curso escolar recuperamos a celebración do Entroido, tras superar varios cursos marcados polo protocolo Covid. O cine e as películas foron os protagonistas nos disfraces desde día tan especial que compartimos con toda a nosa Comunidade Educativa polas rúas da Vila. Queremos agradecer o apoio e colaboración das familias, que xunto coa labor sempre exemplar do noso profesorado, fixo posible esta fermosa actividade enmarcada na nosa programación xeral anual. Como non podía ser doutro xeito, deixamos aquí unha reportaxe tanto do pasarrúas como o que sucede un día tan especial dentro do noso centro educativo.
Resumo da visita de alumnado e profesorado participante no proxecto DORIS (Erasmus+), procedentes de Suecia, Polonia e Gales. Un pracer recibirvos e ser os vosos anfitrións.
Dentro do Erasmus Doris no que estamos inmersos a través do CFR de Ferrol, recibimos a visita dos nosos socios de Suecia, Polonia e Gales. Foi unha experiencia moi enriquecedora para nós e para o noso alumnado. Próximamente unha representación do noso centro acudirá a Gales para poñer fin a este fermoso proxecto. Non poden faltar os agradecedementos tanto á Asociación Cultural Buxainas, como a Jorge Bellón de San Andrés e as familias de alumnado de fala inglesa que viñeron a apoiar as nosas actividades.
O xoves 1 de decembro visitáronnos Menchu e Javier de Lobos de Naraío con Silva, adestrada para axudar a Menchu. Foi unha gran sorpresa para todo o alumnado de educación infantil e primaria.
Ensináronnos a importancia do adestramento e a educación nun can; como poden axudarnos en tarefas cotiás; que os cans non son xoguetes e que a culpa nunca é do can.
Unha actividade fermosísima que oxalá podamos repetir.
Grazas Menchu e Javier por este día tan xenial !!!
Rematamos o curso 2021/22 cunha gran festa de despedida, que tan merecida tiñan os nosos nenos e nenas tras varios cursos limitados polo protocolo COVID. Deixamos a continuación un video resumo do último día de clase. Esta festa foi posible grazas á colaboración da ANPA PICAPEIXE, ó Concello de Cedeira, ao persoal docente e non docente do noso centro educativo e ás nais colaboradoras nos obradoiros.
Dende o CEIP Nicolás del Río desexámosvos a todos e todas que pasedes un bo verán! Vémonos no curso 2022/2023!
No presente curso escolar, festexamos o Entroido dun xeito diferente. Recibimos cada día o mandato do Meco, e rematamos a semana cunha xuntanza no patio, para mostrar os sombreiros elaborados nas aulas (ver vídeo resumo do venres). Esperamos o curso seguinte voltar a saír polas rúas. O xoves 2 e venres 3, o alumnado poderá asistir ao colexio disfrazado.
O alumnado de Educación Primaria acudiu ao Auditorio Municipal no Día da Educación para ver a película "Matilda" no caso de 1º,2º e 3º; e "Camino a la escuela" en 4º,5º e 6º de Educación Primaria.
Entendendo que cada un de nós é únic@ e diferente, no Ceip Nicolás del Río quixemos poñernos na pel das persoas con discapacidade practicando xogos coma “Don Preguntón”, a galiña cega ou deportes paraolímpicos como é o Boccia ou o Goalball porque… a diversidade somos tod@s!
Ademáis dende o Equipo de Dinamización da Lingua Galega, adquíronse 20 exemplares do Libro "Plan de Rescate", que trata o tema da discapacidade. Coa colaboración da Secretaría xeral de política lingüística da Xunta de Galicia, tivemos a sorte de conversar con Antía Yáñez, autora do libro. A rapazada de sexto mostrou un grande interese coa visita da autora, facendo moitas preguntas sobre a temática do libro e tamén sobre os pasos de Antía como escritora. A actividade levouse a cabo na nosa Biblioteca Escolar, quedando todos os libros asinados pola autora!!!
Tomando como punto de partida a cancion "A porta violeta", cada nen@ elaborou a súa propia porta violeta e a chave que a abre. Entendendo así que cada un de nós temos nas nosas mans a chave que abre a porta a un mundo mellor, onde a violencia de xénero non ten cabida.