Xuño 2024

Tivemos o gran pracer de pasar varios xoves con Mari Luz Lorenzo

e deixou pegada na rapazada e na que non é tan peque. Mestras,

antigas alumnas da súa escola de baile, de regueifas e aturuxos...

Tempo de escoitar, bailar, cantar, ver fotografías e aprender que se

tiramos do fío...cantas cousas aprendemos, cantos agasallos en verbas,

contos, imaxes... aprendemos a coñecernos, saber de onde vimos e ver

a nosa herdanza. Gracias Mari Luz polo agasallo de terte, nesta escola

que é a túa ti espallaches cultura galega! Unha lección de amor

á terra e ás súas xentes!

De fondo as voces máis bonitas, a dunha rapazada xa medrada,

o coro escolar "Cascarriola" do CEIP Nicolás del Río, ano 2009.

Unha das actividades de lectura Plambe máis tenras é o

Apadriñamento Lector, co alumnado de 3 anos e o do Instituto.

Nesta ocasión, os padriños e madriñas foi o alumnado de 1º de Bac.

de Artes Escénicas. As crianzas, de 3 anos este curso propuxeron ser

elas e eles os que visitasen aos seus padriños no instituto e aló foron,

coñecéronse en persoa, conversaron e despois leron os seus libros favoritos.

Xa pasada media xornada estaban preparados para compartir xuntos lecturas

con toda a vila. Así que achegáronse ata San Isidro e sementaron contos,

libros, historias... e moitas risas, para que calquera bo lector, pequeno ou grande,

leve ese libro e o lea, co mesmo cariño que eles o deixaron. Despois queda co

compromiso de volver sementalo, pois a lectura hai que espallala. Gracias a

padriños e apadriñados por tanta tenrura, verbas e risas.

Os lazos que onte creastes que vos duren sempre!

 Clica aquí para ver o vídeo.

"Lula perdeu a luz" un excelente traballo dos Vagalumes de 2º C, 

na materia de lingua galega e plástica con duración dun curso escolar.

Agradecer a tódalas persoas que dalgún xeito fixeron

posible que os Vagalumes brilaran en todo o seu explendor.

Inmensos parabéns aos Vagalumes!! Sodes especiais! Uns artistas!