1º

Ola familias! Os nenos e nenas de 1º de Primaria participamos, nas últimas semanas, nun obradoiro de xadrez. Explicáronnos que o xadrez é un xogo moi beneficioso, xa que nos axuda a formar un pensamento máis claro, solucionar con máis rapidez os nosos problemas (ter un pensamento máis áxil e tomar decisións rápidas), manter un nivel de concentración alto, así como tamén reforzar a memoria visual.

Parécenos sorprendente que nos axude a tantas cousas, pero o certo é que así é! Incrible!

A verdade é que aprendemos moitísimo e, sobre todo, divertímonos un montón!

Xa estamos preparad@s para un gran torneo!

Premede na imaxe e comprobádeo vós mesm@s! Agardamos que vos guste! Unha aperta!

Ola familias! Na clase de 1º de Primaria tivo lugar un obradoiro, que leva por nome SAÚDE NA ESCOLA, no que traballamos a través de catro bloques: o autocoñecemento e a autoestima, as emocións, a diversidade familiar e a toma de decisións axeitadas á idade do alumnado, que parten da autonomía e da responsabilidade infantil. Traballamos todos estes aspectos a través de dinámicas cooperativas, grupais, individuais, globalizadoras e lúdicas.

Moitas grazas a Sandra e a asociación Érguete (Vigo), na que está asociada como técnica no departamento de prevención.

Foron unhas sesións moi produtivas nas que aprendemos unha chea de cousas, ademáis de pasalo xenial!

Premede na imaxe e veredes un pequeno resumo do que fixemos!

Agardamos que vos guste! Unha aperta!

Ola familias! O pasado mes de marzo os nenos e nenas de 1ºEP, na clase de inglés coa mestra Aida, celebraron o día de San Patricio, o patrón de Irlanda.

Ese día na aula, todo se tinguiu de verde, xa que tódolos nen@s e a mestra viñeron vestidos desa cor.

Neste día tiveron moita importancia os trasnos de San Patricio (leprechaun, en irlandés)

Estes pequenos trasnos teñen barba vermella, visten de cor verde e forman parte do folclore irlandés O nome orixinal irlandés é “lobaircin”, que significa "home de corpo pequeno". Estes pequenos trasniños danche boa sorte e son os encargados de arranxar zapatos a cambio dunha moeda que lles axude a aumentar o seu tesouro, escondido nunha pota ao outro lado do arco da vella.

Os cativos e cativas tiveron que buscar a estes seres pequerrechos por todo o cole. Había un trasno para cada neno/a co seu nome e despois de atopalos todos, cada pequen@ recibiu unha moeda dourada (de chocolate, claro...jejeje)

Foi un día xenial e pasárono moi ben nesta aventura tan máxica para eles!!!

Premede na imaxe e comprobádeo vós mesm@s!

Ola familias!!! Este ano, no Entroido, disfrazámonos de animais en perigo de extinción... Os nenos e nenas de 1º EP escollemos o elefante, un animal tan grande coma fermoso!!!

Desfrutamos moito o día da festa e do desfile ao igual que os días anteriores, nos que tamén nos disfrazamos seguindo as ordes do meco, ao mesmo tempo que preparábamos o noso disfrace!!! Pasámolo moi ben e convertémonos nuns/nunhas elefantes moi riquiñ@s!!!

Premede na imaxe e comprobádeo vós mesmos!!!

Unha aperta!!!

Ola familias!!! O alumnado de 1º de Primaria realizou a actividade de "Receitas do mundo" da man da asociación "Sana el hoy, vive el mañana".

Esta actividade está enmarcada dentro do CP Innova e procura obxectivos tales como o fomento do consumo de alimentos saudables (como froita e vexetais) na dieta do alumnado, ademais de conciencialo da importancia de coidar o medio ambiente.

Así pois, con esta actividade, o alumnado puido coñecer a época do ano na que se dan diferentes froitas e vexetais, presentes na dieta galega, así como participar na elaboración dun cunco de humus de aguacate e tamén da súa posterior degustación!!!

Deixámosvos aquí un pequeno vídeo para que poidades ver canto disfrutaron da actividade estes pequenos cociñeiros!!! :)