ENTREVISTAMOS

E chegamos ao final desta sección de....ENTREVISTAMOS!

E que mellor xeito de facelo que, traendo ata a nosa radio a unha marabillosa escritora da cidade olívica, autora de títulos como "Querido nadie", "O señor corpo quere xogar" ou "Nata y chocolate"...ela é...

ALICIA BORRÁS.

Foi este último a que a trouxo ata o noso cole xa que, este libro sobre o acoso escolar, foi lido polo alumnado de 5ºEP, e grazas ao seu interese puidemo contar coa súa presenza nas nosas ondas.

Premede na imaxe e gozade da súa voz e as súas palabras cargadas de gratitude cara a infancia, á que di entender mellor que aos adultos.

Neste segunda programa, dentro da sección de ENTREVISTAMOS, tivemos a sorte sortísima de contar no nos estudio de radio nada máis e nada menos, coa presenza dun verdadeiro Elfo de Papa Noel! Chámase Timoteo e contounos moi animadamente unha morea de curiosidades sobre el e o seu traballo.

Queredes escoitalas? Pois aquí vos deixo con este simpatíco ELFO, TIMOTEO!

Que mágoa compañeiros e compañeiras, pero isto vai chegando ao seu fin...

Esta nosa sección periodística despídese cunha entrevista a ritmo de cha cha chá, chea de ritmo e arte.

A raiña da pista do noso concello, non é outra que...PATRICIA MARTÍNEZ.

Ela é ben coñecida por moitos de nós xa que foi, ou aínda é, mestra de baile, ademais de realizar habitualmente, diferentes obradoiros nos diferentes centros educativos de Mos.

Foi un pracer tela con nós, pola súa simpatía, o seu don de xentes o polo ben que se lle deu iso de falar polos micros. Fichada queda na nosa radio!

Premede na imaxe para escoitala.

No segundo "EntrevistaMos" deste curso tivemos unha visita moi pero que moi especial na nosa Radio Escolar. Ángeles, educadora no Centro Residencial e Ocupacional da Virxe Dolorosa, viu na boa compaña de Pili e Cris, dúas usuarias que quixeron facer soar as súas voces a través das nosas ondas.

É esta unha entrevista que non podedes deixar de escoitar, porque de seguro, teredes pasado máis dunha vez ao carón deste centro e nunca vos preguntástedes como alí se vive e a de actividades que desenvolven todas estas mulleres, ESPECIAIS E ÚNICAS.

Premede na imaxe e non poñades só oídos....tamén corazón.