Skip to Content

 

Programas especiais 21/22

SEMANA ESPECIAL NA RADIO: "XOGOS FLORAIS 2022"

   
   

PROGRAMA ESPECIAL DE RADIO "LETRAS GALEGAS 2022"

E coincidindo coa celebración das Letras Galegas no noso cole, o xoves 19 de maio, decidimos prepararvos un programa especial do que xa desfrutástedes durante o recreo, pero que tamén queremos que o fagan as vosas familias desde a casa.

Aquí amosamos, en verso, a vida do noso autor homenaxeado, Forencio Delgado Gurriarán , e como non, aproveitamos esta data para facer un percorrido pola música galega de todos os tempos.

Esperamos que gocedes escoitándoo.

 

PROGRAMA ESPECIAL DE RADIO 8M

Como todos os cursos, por esta data do 8 de marzo, "Día Internacional da muller", o noso alumnado eleborou un programa especial para a nosa radio escolar.

Nesta ocasión, o grupo de 5º de EP, conxuntamente co equipo de convivencia, preparounos o conto:

"HAI ALGO MÁIS ABURRIDO QUE SER UNHA PRINCESA ROSA?"

Pois, se queredes saber a resposta, premede na imaxe e escoitade.

PROGRAMA ESPECIAL "O ENTROIDO DE O ROSAL"

O grupo de 3ºA no seu día de radio preparounos un programa a ritmo de copla sobre o ENTROIDO DE O ROSAL, traballado este ano no cole. O galo Gonzalo e a ola Manola entre outros, son os protagonistas deste divertido entroido da nosa terra.

Con música de Antonio Luz, e o seu tema festeiro "Entroido", ímonos de troula cos nenos e nenas de 3ºA!!!

"O ENTROIDO DE O ROSAL"

PROGRAMA ESPECIAL "DÍA DE ROSALÍA 2022"

Neste 23 de febreiro, "DÍA DE ROSALÍA", o alumnado de 4º de EP preparounos un pequeno programa para disfrutalo durante o recreo. Seguro que descubres algún novo dato curioso na vida da nosa admirada escritora galega.

Preme na imaxe e a escoitar

 

.

PROGRAMA ESPECIAL RADIO: "MÚSICA PARA O 25N"

Ola a todos e todas!

o pasado 25 de novembro conmemoramos no cole o "Día internacional para a eliminación da violencia contra as mulleres".

A parte da actividade do libro de "Pepuka" por parte do alumnado de 5º, os nosos compañeiros e compañeiras de 3º quiseron poñerlle música a este día, e que mellor xeito para facelo que preparándonos un programa especial para a nosa radio escolar.

Durante o recreo desfrutamos coa selección musical que realizaron para poñerlle sintonía a este día tan especial. E ben, aquí vos deixamos o seu traballo; poñédevos cómodos e....darlle ao "play"!

 

Distribuir contido


        

 

 

 

 

 

 
by Dr. Radut