DÍA INTERNACIONAL DO LIBRO

Queremos comezar esta publicación dando as grazas a todas as familias que participastes nesta iniciativa, que fostes a práctica maioría.

O obxectivo era conmemorar o Día Internacional do Libro realizando unha montaxe na que os nenos desta comunidade educativa aparecesen lendo en lugares diversos, e acadouse sobradamente.

Ademais, tamén nos pareceu unha boa iniciativa para que, nestes días de confinamento, os nenos se viran e continuaran sentíndose parte do grupo ao que pertencen.

Agradecer, dun xeito especial, o gran traballo que levou a cabo a mestra de Educación Infantil Yolanda, encargada da edición do vídeo. O resultado foi inmellorable.

 É longo, sí, pero consideramos que cada neno merece o seu tempo e, ademais, hai fotografías moi divertidas.

Tentamos que non se nos pasara nungunha, pero somos humanos, e podemos cometer erros. Se isto ocorre, non dubidedes en facérnolo saber para solventalo.

Sen mais, esperamos que disfrutedes da súa visualización e xa sabedes, se queredes aventura.... lanzádevos á lectura.