Eventos

O pasado venres, 23 de abril, festexamos o Día do Libro no noso cole... e aquí podedes ver o ben que o pasamos!

Este ano, en colaboración co Equipo de Dinamización da Lingua Galega (EDLG) do cole, fixemos un contacontos de maiores a pequenos para conmemorar o Día do Libro. As lecturas estaban previstas ao aire libre, pero por mor do tempo tivemos que buscar espazos cubertos no cole: patios cubertos, pavillón...

Os nosos "contadores/as" de contos fixérono xenial e os pequenos disfrutaron un montón escoitando as historias.

Deixámosvos aquí os contos para que tamén os disfrutedes vós!

3º de EDUCACIÓN PRIMARIA: Orellas de bolboreta

4º de EDUCACIÓN PRIMARIA: O embigo de Xanecas

5º de EDUCACIÓN PRIMARIA: Pétala

6º de EDUCACIÓN PRIMARIA: Un segredo do bosque

Ola de novo:

Os alumn@s de Educación Infantil levamos durante 21 días coidando (incubando) 8 ovos, cada día os nenos e nenas eran encargados de darlle a volta e comprobar que a temperatura fora a idónea.

Despois de 21 días de espera...por fin o resultado. Unha boa mañá ó chegar a escola atopamos que naceran dous fermosos e adorables poliños. Tiñades que ver as caras de emoción de todos nós.

Xa os coñecedes... a que son chulísimos? Logo de obervalos, miralos e volvelos a mirar... ocurriusenos que tiñamos que poñerlle nome e como eran case iguais tamén decidimos colocarlle a un deles unha pulseira na pata para poder diferencialos.

Despos dunha longa votación....os nomes elexidos para os nosos polos foron:

PEPE E MANOLO.

Seguiremos informando das súas aventuras.

Ola de novo:

Aquí seguimos de granxeiros, estamos dándolle os mellores coidados aos nosos polos Pepe e Manolo. Todos os días limpamos e acondicionamos a súa casa, antes vivían nunha máis pequena e como creceron tanto mudámolos para unha moito máis ampla.

Tamén temos que alimentalos, ao principio era unha mezcla de cereais e na última semana introducímoslle o pan, que por certo lle encanta.

Imos mostrar o bonitos que están.

Outro dos traballiños que temos cada día é a hora de pesalos, que nos serve para comprobar que a alimentación é a adecuada, así como imos interiorizando conceptos matemáticos moi importante para a nosa vida.

Deixámosvos unha foto da evolución do peso dos polos, a día 6 de maio Pepe pesa 570gr. e Manolo 495gr. 

Estamos convencidos que o noso traballo está dando moi bos resultados.

Ata a próxima, seguiremos informando.

Pois chegou o momento de despedirse de Pepe e de Manolo! Nos últimos días seguimos facendo as tarefas que requerían (darlles de comer -tamén pan que sobraba do comedor-, limpar a xaula, pesalos...), pero a casiña que lles tiñamos xa se lles quedaba pequena e ata os vimos voar pola aula nalgunha ocasión!

 Ao final estaban moi grandes! Pepe pesaba 830 gr. e Manolo, 710 gr. 

Decidimos buscarlles un fogar axeitado para eles, onde puideran seguir crecendo... e iso foi posible grazas ao profe Marcos, que os levou ata Laias, onde xa están coa súa nova familia.

A verdade é que os botamos algo en falta, e dende que non están preguntamos moito por eles, por como estarán... e ese ratiño de tempo no que nos xuntabamos todos para velos tamén era especial e moi divertido.

Foi un pracer coñecer de cerca aos nosos amigos os polos Pepe e Manolo, aprendimos moito! Estamos desexando continuar coñecendo outros animais... que será o seguinte? Contarémovolo nuns días! 

En homenaxe a Xela Arias, organizamos no cole un concurso de marcapáxinas no que participaron todos os alumnos/as do cole. Profesorado e alumnado votou entre todos os marcapáxinas que estaban expostos na entrada do centro, e os tres gañadores foron impresos profesionalmente e repartidos a todos os membros da nosa comunidade educativa.

Todos os deseños eran chulísimos, pero os máis votados foron os de Mireia (na categoría de E. Infantil e 1º e 2º de E. Primaria), Ana (na categoría de 3º e 4º de E. Primaria), e Miruna (na categoría de 5º e 6º de E. Primaria). Parabéns ás tres!