5º Curso

O Proxecto "Nós tamén creamos!" tratase dun programa de promoción da adquisición, do uso e da valoración da lingua galega na aula por medio da creatividade e da incorporación das tecnoloxías da información e da comunicación ás aulas. Os centros promoverán a elaboración dun traballo en equipo que terá como produto final unha curtametraxe en galego coa técnica stop motion a partir dun álbum ilustrado.

Cos coñecementos adquiridos polo profesorado durante un obradoiro de formación nos meses de novembro, decembro e xaneiro, traballaranse co alumnado as diferentes fases da creación dunha curtametraxe de animación coa técnica stop motion: guión gráfico, personaxes, luz, efectos especiais, movemento, música e montaxe.

Aquí vos presentamos a nosa primeira fase do proxecto coa elección do album ilustrado e o diseño do guión gáfico polo alumnado de 5º e 6º de Educación Primaria:

Durante o segundo trimestre do presente curso, o alumnado de 5º e 6º de Educación Primaria lemos o libro "O neno de lume" da escritora viguesa, Ledicia Costas. Na mañá do martes 23 de maio tivemos a sorte de contar coa autora na Biblioteca do centro, quen lles relatou como comezara a escribir e como se podía vivir de escribir libros. Logo tivo lugar unha quenda de preguntas que a escritora foi respondendo de xeito individual e, finalmente, asinoulles os libros ao alumnado que así o quixo, así como outros libros da autora que había na Biblioteca do centro e achegados polos mestres e mestras.

Na mañá do luns 22 de maio, o alumnado de 5º de Primaria puido disfrutar dunha sesión de iniciación ao tiro con arco da man de Cristina Delgado e Diego Fernández, do club rués "Arqueiros do Sil". Dita actividade levouse a cabo nas instalacións ubicadas no Aguillón (A Rúa).