Libros de texto

Benqueridas familias:

A partir do 26 de xuño podedes consultar as listaxes provisionais de persoas beneficiairas do fondo libro.

De acordo coa ORDE do 7 de maio de 2024  (DOG do 20 de maio) polo que se regula a participación do fondo solidario de libros de texto e vales de material, dita listaxe publicaráse exclusivamente no taboleiro de anuncios situado no interior do edificio escolar. Asi mesmo as persoas solicitantes poderán acceder por vía electrónica  ao seu expediente a través da aplicación FondoLibro empregando  a chave 365 ou certificado dixital da Fábrica Nacional de Moeda e Timbre.

Polo tanto, pola normativa de protección de datos, a parte da consulta por chave 365 ou certificado dixital, a secretaría do centro non pode facilitar a información doutro xeito que non sexa a consulta presencial no interior do edificio en horario de 09.30 a 13,00 de luns a venres.

 Contra o establecido na listaxe provisional as persoas interesadas poderán reclamar nos dous días seguintes á publicación das mesmas.

INFORMACIÓN AS FAMILIAS: ONDE SOLICITAR A CHAVE 365

As familias que desexen solicitalo de forma presencial teñen que dirixirse a calquera dos órganos ou unidades administrativas da Xunta de Galicia que realicen as funcións de rexistro de usuarios Chave 365. Aqui podedes consultar esa relación. En Arcade pode solicitarse no centro de saúde de Arcade.

Debe acudir a persoa interesada e acreditar a súa identidade mostrando o seu NIF. Os cidadáns comunitarios que non teñan tarxeta de residencia presentarán o Certificado de rexistro de cidadáns da Unión e o seu pasaporte.

Poden consultar, se o desexan, toda a información relativa á Chave 365 nesta dirección: https://sede.xunta.gal/tramites-e-servizos/chave365

Benqueridas familias:

Informámosvos de que está ABERTO PRAZO PARA SOLICITAR O FONDO SOLIDARIO DE LIBROS DE TEXTO, AXUDAS PARA ADQUIRIR LIBROS DE TEXTO E MATERIAL ESCOLAR para o vindeiro curso escolar 2024/2025.

O prazo vai dende o 21 de maio ao 21 de xuño de 2024

ALUMNADO DESTINATARIO: Alumnado de Educación Primaria, Educación Secundaria. Pincha nas imaxes e poderás ler as instruccións e acceder aos formularios.

Forma de presentación de solicitudes:

• Electrónica: utilice esta aplicación e presente solicitude na Sede Electrónica.

           IMPORTANTE: na presentación electrónica deberá presentar unha solicitude individual para cada un dos seus fillos.

           NECESITARÁ ter: A) conta de Chave365, ou B) ter instalado certificado dixital (guía) ou DNI electrónico e máis a aplicación Autofirma

• Presencial con asistencia da aplicación : cubra os datos nesta aplicación, imprima os Anexos I e II producidos e presenteos no centro educativo.
  
• Presencial manual: cubra os Anexos I e II da Orde da convocatoria e presénteos no centro educativo.

O alumnado que non estea admitido nin coñeza en que centro vai estar escolarizado no curso escolar 2024-2025, deberá presentar a solicitude no centro no que está matriculado no curso 2023-2024.

As solicitudes por incorporación ao centro educativo fóra do prazo establecido poderán presentarse unicamente de xeito presencial no propio centro, ata o 31/3/2025.

♦ Documentación complementaria:

• Especificase no artigo 11 da Orde de convocatoria
• NON será necesario xuntar coa solicitude os DNIs, NIEs, acreditacións de discapacidade expedidas pola Xunta, acreditacións de pensión por incapacidade, ou declaracións de IRPF, sempre que NON sinale oposición á comprobación telemática pola administración (para a declaración de IRPF requírese autorización expresa) [artigo 12 da Orde de convocatoria]
• A administración poderá reclamar a presentación de documentación cando non sexa posible a verificación por vía telemática

Tes a información e os formularios nos seguintes enlaces:

https://www.xunta.gal/dog/Publicados/2024/20240520/AnuncioG0761-080524-0003_gl.html 

https://sede.xunta.gal/doc-invia/rest/anexos/231121791