blogue deadmin

Como vedes realicei unha fermosa reportaxe fotográfica para que poidades ver o emocionante que foi a miña viaxe polas aulas do

Manuel Padín Truiteiro

Moitas grazas pola vosa acollida! Foi unha experiencia maravillosa que de seguro repetirei.

Gozade da presentación e desexo que vos gustara o marcapáxinas que vos agasallei e que fixen con tanto agarimo para todas e todos vós. Nunca deixedes de ler e de visitarme na biblioteca.

Mil bicos cheiños de cousas boas para todas e todos e para as Mestras e Mestres tamén que sempre están aí axudando.

E CHEGA O SAMAÍN!

Achégase a noite do 31 de outubro, e dentro da tradición máis enraizada da nosa terra atopamos:

“O SAMAÍN””

O Samaín foi o orixen de todo, significa “fin do verán”, pois os antigos celtas celebraban nese momento a transición ao inverno. Esta celebración milenaria ten lugar cada ano, nestas datas cóntase que é maís fácil transitar entre dous mundos: o dos vivos e o dos mortos.

O Samaín marcaba a chegada do Ano Novo que se dividía en dúas partes: unha oscura e outra clara.

Algunhas persoas cubríanse con peles de animais e máscaras, para despistar aos espíritus, e isto dá lugar ao costume que temos hoxe de disfrazarnos.

A tradición do lume conservouse nas aldeas galegas e non hai que esquecer que as poboacións celtas collían as caveiras dos mortos nas batallas e iluminábanas para colocalas nos muros dos castros, de aí o costume das cabazas.

Este sería o 3º curso no que participamos neste plan, valoramos moi positivamente a nosa participación no mesmo, durante os dous cursos anteriores.

Gustaríanos seguir participando, xa que, na nosa escola durante este curso chegou alumnado doutros países, con necesidades educativas, dificultades co idioma, con diferentes ritmos de aprendizaxe, con condicións socio-económicas moi diversas e con

situacións persoais, ás veces, excluíntes do mundo que lles toca vivir.

A inclusión educativa é unha das metas que se fixa a nosa escola e non imos deixar de traballala nunca.

Cada curso escolar temos que enfrontarnos a novos retos e a novas casuísticas que fan que debamos adaptar a nosa escola a elas e a eles.

Temos tamén alumnado con NEE que precisan un centro máis igualitario e inclusivo, polo que, temos a certeza que a través deste programa podemos facer unha escola máis inclusiva, facendo sempre fincapé no principio de igualdade de oportunidades para todas e todos.

Sendo a INCLUSIÓN o mascarón de proa de CEIP Manuel Padín Truiteiro.

Escomenzamos curso e con el PROXECTO. Un ano máis dende a biblioteca do noso centro imos dar saída a unha nova aventura de investigación e coñecemento.

Temos que seguir explorando o noso entorno próximo. Coñecemos o noso Castelo, algo tan cercano e descoñecido nun 1º momento. Cantas historias descubrimos de cabaleiros, de mulleres valentes,lendas ...

Tiñamos ao carón da escola unha xoia medieval á que lle soubemos chegar ata o corazón para darnos o mellor de si.

E agora toca coñecer a historia da ”Ría de Vigo" e sobre todo de dúas illas que se atopan na Enseada de San Simón e que viron pasar ante elas a historia máis fermosa e tamén a máis triste.

O noso proxecto é:

INICIAMOS A AVENTURA! J

Rematamos proxecto! Este curso emprendemos a aventura co proxecto

“Augas de brillantes tesouros”

Realizamos moitas actividades para coñecer mellor o noso entorno máis próximo, compartillámolas con todas e todos vós a través da web, Instagram, e de actividades feitas na escola.

O noso concello ofrécenos un contorno próximo cheo de riquezas culturais, artísticas e naturais.

Decidimos adentrarnos na Enseada de San Simón poñendoa así en valor, como obxectivo principal fixamos o seguinte criterio de avaliación: Valorar, protexer e mostrar actitudes de conservación e mellora do medio natural, a través de propostas e acción que reflictan compromisos e condutas en favor da sustentabilidade.

Ademais, traballamos numerosos contidos do currículo, presentes de forma explícita en cada un dos ciclos. Quedaron fixados na Concreción Curricular do PDI.

Centrámonos tamén nos Obxectivos de Desenvolvemento Sustentable (ODS) que estarían presentes en todo o proceso xa que debemos protexer e por en valor a vida dos mares e das nosas rías (Obxectivo 14) Ademais de coñecer a vida no medio acuático, fixemos un achegamento á xeografía, ás profesións, ao coidado e mantemento dos ecosistemas mariños, a flora e a fauna, as dinámicas e correntes mariñas, etc.

Durante todo o curso houbo proxectos, plans de traballo, tarefas, talleres, etc centradas na Enseada de San Simón e nas súas augas.

Traballamos con proxectos, unidades ou situación de aprendizaxe baseadas na investigación e no coñecemento.

No 3º trimestre preparamos a exposición final que está aberta para toda a comunidade educativa.

O que buscamos en todo momento foi que o alumnado aprendese a empregar estratexias de procura, tratamento, organización e presentación da información, fomentando o pensamento crítico.

Deixámosvos o enlace a todo o traballo feito neste curso, gozade del tanto como gozamos nós investigando, aprendendo e preparando todo.

Pica na imaxe e poderás ver todos os nosos traballos.

FELIZ VERÁN, VÉMONOS EN SETEMBRO!