Blogues

Polo “Día da muller” recibimos na nosa escola á historiadora e investigadora

Silvia Cernadas Martínez.

O alumnado de 5º e 6º de Educación Primaria asistíu a unha conferencia a cerca da figura de

“María Vinyals” a “Marquesa de Ayerbe”.

Unha das figuras máis relevantes que naceu e creceu no Castelo de Soutomaior, pasando así a formar parte da nosa historia.

Ao remate da charla tivemos a oportunidade de facerlle unha entrevista na

Radio TV escolar do Manuel Padín Truiteiro.

Pasando a ser esta, un auténtico documento histórico.

Mil grazas Silvia polo teu ben facer e por compartillalo con nós.

Dálle un click á imaxe e poderás ver a entrevista completa.

OUTRO ANO MÁIS CELEBRAMOS O ENTROIDO NA NOSA ESCOLA CON DIFERENTES ACTIVIDADES QUE PODEDES VER A CONTINUACIÓN.

Esta carta vai dirixida aos investigadores/as do CEIP Manuel Padín Truiteiro.

Benqueridos/as compañeiros/as:

Para resolver o 2º reto do proxecto teremos que:

1º Escoitar o programa de radio: "Que pasa en xaneiro?" Enviarémosvolo ao correo, tamén vai estar na páxina web do centro no apartado da Radio Escolar ou podedes escoitalo cliclando no texto "Que pasa en xaneiro?

Teredes que escoitalo con moita atención xa que nel contámosvos. Que foi o Castelo?

Cada aula recibirá unha “Folla de investigación” e escoitando o programa cada equipo de aula deberá tentar completala .

Imos pórnos mans á obra para dar coa solución do 2º RETO do noso proxecto de centro.

Tentaremos resolvelo do seguinte xeito:

·     

Traballamos en EQUIPOcomo fan os bos investigadores e as boas investigadoras. Cada equipo terá que cubrir a “Folla da investigación”, podémolo facer coa dinámica “Lapis ao centro” ou “Folio xiratorio”Lembrádesvos delas?

Na biblioteca do centro estará todo o material que precisedes para resolver o reto e na páxina web do centro tamén teredes o programa de radio, ademais do especial que vos enviaremos a cada un de vós.

E para Infantil un conto que deberán completar.

Ánimo, e a investigar!

Un cordial saúdo dende o centro de operacións do CEIP Manuel Padín Truiteiro.

Todos os 30 de xaneiro celebramos dende a nosa escola o

“Día da PAZ e NON VIOLENCIA”

Este 30 de xaneiro toda a escola buscou "Curas para a PAZ" dende 4º de Infantil ata 6º de E. Primaria, estivemos buscando remedios que curen todo o dano que se está causando.

E que estas curas fagan de todas e todos nós MELLORES PERSOAS. Nas escolas ademais de ensinar debemos tentar facer persoas críticas, sensatas e sobre todo BOAS.

Xa que son tempos convulsos os que percorren o mundo hoxe en día, vivimos nun esceario de confrontacións bélicas entre nacións, o terrorismo asolando rexións do mundo, actitudes supremacistas, totalitarismos, autoritarismos, control opresivo da sociedade, etc.

Atopámonos nun mundo distópico …  Por todo isto, debemos educar nos valores.

A liberdade, a igualdade, a fraternidade deben ser o pan de cada día.

Debemos cultivar os valores educativos: da empatía, o respecto, a solidaridade, o agarimo, o amor, o traballarmos en grupo, o saber escoitar, ser tolerantes co diferente, rexeitar a mentira, a violencia tanto física como de palabra…

Tentaremos que sexa posíbel curar o mundo cos nosos remedios.

Podedes escoitar o programa de radio que fixemos para este día, clicando no apartado da nosa web "Radio Negueirós" ou no enlace: https://www.ivoox.com/dia-da-paz-e-da-non-violencia-audios-mp3_rf_81844154_1.html