blogue deadmin

“SOSTIBILIDADE”

Se estades consultando a web é que xa tedes nas vosas mans o 4º e último reto do Proxecto de Centro. Neste imos traballar a sostibilidade.

Introducimos o concepto de SOSTIBILIDADE e traballamos as nosas unidades de Investigación que teredes colgadas na Aula Virtual, nelas plantexámosvos o seguinte.

Como era a vida antes en contraposición á de hoxe en día en canto a: Luz (como se alumeaban para poder ver), Auga (como conseguían a auga), Baños (como eran os urinarios), Medios de transporte, Calefación (como facían para quentarse), Roupa (como era a roupa antes).

Mans á obra! E logo veremos aquí os resultados das nosas investigacións. Moito ánimo para todas e todos!

"ENTREVISTAMOS A ROSA RIVAS"

Dentro do noso proxecto de Centro, investigamos o funcionamento das escolas de antes (anos 50)

Porque como sabedes, no Castelo houbo unha escola de Primaria e os mestres/as podían vivir nel.

Dentro da nosa investigación entrevistamos a Rosa Rivas, veciña de Arcade nacida no ano 1944.

Unha entrevista moi interesante, un auténtico documento para estudar como era a vida no rural galego

nos anos 50 e como era para unha nena ir á escola durante a súa nenez.

Un auténtico testimonio cheo de sentimentos e valores.

GRAZAS con maiúsculas Rosa.

Mil grazas por vir a nosa escola e formar parte dela.

Pica na imaxe para ver a entrevista.

O xoves 9 de xuño o alumnado de 6º foi coñecer o IES de Soutomaior, xa que o vindeiro curso comenzarán alí a súa andaina nunha nova etapa.

Ían nervosos e ilusionados e con ese medo que temos cando escomenzamos algo novo.

Con moita pena de deixar “O Padín”, como din elas e eles, a súa escola dende hai 9 anos para moitos deles.

A nós tamén nos dá pena deixalos marchar pero toca e de seguro que no IES de Soutomaior van coidar moi ben das nosas nenas e nenos.

Neste video podedes ver a vosa chegada hai xa 9 anos. Que rápido medrastes!

O MANUEL PADÍN TRUITEIRO SEMPRE SERÁ A VOSA ESCOLA.

GRAZAS ÁS FAMILIAS POR ESCOLLERNOS.

Este curso escomenzou na nosa escola a súa andaina o “CLUB DE LECTURA” organizado dende a Biblioteca Escolar.

Foi una experiencia fantástica, encantoume compartillar coas miñas compañeiras e compañeiros a experiencia da lectura e a posta en común de cada capítulo, onde espuxemos os nosos puntos de vista e as nosas opinións.

Esta experiencia servíunos para aprender que pensamos diferente e que una mesma lectura pode abrirnos diferentes visións, cada quen viaxa no libro como máis lle gusta.

O 1º libro que lemos foi “Avións de papel” de Xabier Estévez.  Ilustrado por Marcos Viso.

Xabier Estévez víu ao cole a contarnos a súa experiencia como escritor, o que lle inspirou a escribir este libro tan emotivo, ademais de contarnos anécdotas moi fermosas das súas vivencias de neno.

Ao finalizar a charla fixémoslle una entrevista para a nosa canle de TV, podedes vela na nosa web, non ten desperdicio, podedes vela no seguinte enlace. Picade na imaxe.

Xa no 2º trimestre lemos poesía, un libro de Fran Alonso “Cidades” ao seu remate fixemos os nosos propios poemas e caligramas, quedáronnos moi chulos.

Lemos tamén banda deseñada e para rematar o curso lemos un libro de misterio que nos encantou a todas e todos:

“SherlocK Holmes, un estudo en escarlata”

É un libro cheo de intriga pero á vez divertido, non queres parar de ler, a nosa opinión foi unánime en canto a este libro: encantounos!

Como recomendación todas e todos as nenas e nenos que participamos do club de lectura recomendámosvos que o vindeiro curso voa anotedes, merece a pena, é una experiencia xenial e moi enriquecedora, xa que podes aprender de todas e todos os que participamos e tamén poden aprender de ti mesmo.

A organización do club de lectura estivo moi ben, este curso só participamos os alumnos/as de 6º durante os recreos dos luns e dos xoves, grazas ao traballo voluntario das nosas mestras.

NON DEIXEDES DE APUNTARVOS PARA O VINDEIRO CURSO!