POR FIN! Chegou o ENTROIDO, a festa das festas e este ano imos celebralo dun xeito moi especial.

Volvemos desfilar polas rúas de Arcade!

Dentro do noso proxecto de centro, no que estamos a traballar a Enseada de San Simón como espazo natural único; imos adicarlle ao mundo do mar esta festa.

Representaremos cos nosos disfraces parte da fauna que nela vive para pór en valor a súa importancia e o imprescindible que é para a nosa zona.

Medio de vida para moitas persoas, non esquezades que a temos que coidar e respectar, pero sobre todo QUERELA!

O paso seguinte dentro do noso PDI de Centro era coñecer "in situ" a nosa Enseada.

Polo que todos os cursos da nosa escola preparamos a saída ao peirao de Arcade. 

Baixamos por niveis e coñecemos os tesouros que gardan as nosas augas. Pasámolo de medo!

1º traballamos na aula coas nosas unidades de investigación.

2º baixamos ao peirao a experimentar cos nosos cadernos de campo e poder ver, tocar e coñecer todo o que prepararamos antes na escola.

No seguinte video podedes ver uns retalliños das nosas saídas, só é unha pequena mostra dun gran día para cada un de nós.

Picade na imaxe e gozade da nosa produción, desexamos que vos guste e que poidades apreciar un pouquiño todo o que aprendemos.

Estes son os cadernos de campo que preparamos para esta saída ao peirao, unha experiencia chulísima!

INICIAMOS A AVENTURA

Chegou o día, xa temos título e proxecto, polo que escomenzamos a aventura, a viaxe á

ENSEADA DE SAN SIMÓN

Non podemos esperar máis, que nos deparará?

Chegamos ás aulas e alí estaban nas nosas mesas os "Cadernos do mar de adentro" nesta tarefa ímosnos convertir en biólogas/os, xeógrafas/os, científicas e científicos... da natureza.

1º traballaremos na biblioteca, nas aulas, nos corredores ou onde se preste, co noso caderno.

“AUGAS DE BRILLANTES TESOUROS”

Nel descubriremos novos coñecementos de Sociais, Galego, Naturais, Matemáticas en relación á Enseada de San Simón.

Realizarémolo por equipos de traballo colaborativo, polo que, cada equipo disporá do seu caderno de traballo.

Esta será a actividade previa á saída ao peirao. Preparadas e preparados para escomenzar?

Toca traballar xuntas e xuntos :-) Que escomence a INVESTIGACIÓN...

Aquí deixamos os cadernos para cada ciclo.

Escomenzamos curso e con el PROXECTO. Un ano máis dende a biblioteca do noso centro imos dar saída a un novo proxecto.

Seguimos coñecendo de 1ª man o noso entorno próximo, coñecemos o noso Castelo, algo tan cercano e descoñecido nun 1º momento. E despois de dous cursos forma parte de nós para sempre.

E agora tócale “A enseada de San Simón”

INICIAMOS A AVENTURA! J