Eventos
Venres Xaneiro 31, 2020
Start: 24/01/2020 09:27
End: 31/01/2020 15:30
Cuestación anónima para a recollida de fondos para unha causa benéfica.
Este ano colaboraremos con UNICEF nun reto para enviar 1.000 doses de vacinas a nenas e nenos en situación de risco.
Por cada 75 céntimos enviamos un kit de vacinación para polio, sarampión e tuberculose.
Coa túa axuda podemos alcanzar o reto !!
Durante a semana do 26 ao 31 de xaneiro poderanse entregar os sobres coa doación anónima.
Todos os días veremos os resultados no noso termómetro solidario.
Colabora connosco na cuestación anónima que levamos realizando no colexio con motivo do Día escolar para a Paz desde 1993. 27 anos de solidariedade!!!!
Día 5 de febreiro: 1.103 kits de vacinación.
Reto conseguido e superado !!!!
Moitísimas grazas a todas e todos pola vosa aportación.
Recadación total a 5 de febreiro de 2020: 807,68 euros
Preme na imaxe para ver o documento en formato PDF.
Luns Febreiro 03, 2020
Start: 03/02/2020 09:30
Atención: Esta actividade aprázase para o luns 3 de febreiro, se a choiva o permite.
O vindeiro 31 de xaneiro de 2020 participaremos nunha proba de "Campo a través" que se celebrará en Atios, Valdoviño, preto do campo de fútbol.
Hora de saída: 9:30 desde o colexio.
Hora de regreso: 13:30 ao colexio.
Participantes: equipos de 2º,3º,4º,5º e 6º.
As persoas participantes deberán levar roupa e calzado deportivo. Tamén recomendamos levar unha camiseta e calcetíns para cambiarse.
Start: 03/02/2020 20:44
PROCESO DE ADMISIÓN DE ALUMNADO
CURSO 2020/2021
RESERVA DE PRAZA
PRAZO: DO 1 AO 17 DE FEBREIRO DE 2020
O vindeiro 1 de febreiro iníciase o proceso de admisión de alumnado en centros docentes sustentados con fondos públicos que imparten ensinanzas de 2º ciclo de Educación Infantil, Educación Primaria, Educación Secundaria Obrigatoria e de Bacharelato, reguladas na Lei 2/2006, do 3 de maio, de educación, para o curso 2020/21.
O alumnado que xa está matriculado no colexio no presente curso 2019/20 non ten que realizar este proceso, agás o alumnado de 6º de Educación Primaria.
O alumnado que iniciará a escolarización en 1º da ESO no vindeiro curso 2020/21 deberá realizar a reserva de praza presentando a solicitude no colexio ou facéndoo a través da web da Consellería de Educación (admisionalumnado-solicitudes-reserva-crear).
Para o alumnado de 4º de Educación Infantil (3 anos) abrirase posteriormente un prazo para a admisión, non necesitando facer agora a reserva de praza.
Xoves Febreiro 20, 2020
Start: 20/02/2020 14:21
Mañá 21 de febreiro celebraremos o desfile de Entroido 2020. O desfile sairá do colexio ás 11.00 h. e percorrerá o Paseo Marítimo.
Ao final do mesmo repartirase entre o alumnado chaolas e leite.A saída para a casa será a habitual das 14:30 h.
Xoves Febreiro 27, 2020
Start: 27/02/2020 09:17
PROCESO DE ADMISIÓN DE ALUMNADO
CURSO 2020/2021
ALUMNADO ADMITIDO NO IES "CABO ORTEGAL"
para cursar 1º curso da E.S.O.
A partir de hoxe, 27 de febreiro de 2020 estará exposta no taboleiro da entrada do centro a lista de alumnado de 6º de Primaria admitido para cursar 1º curso da ESO no IES Cabo Ortegal.
