Este mércores recibimos no cole a visita da enfermeira de Pediatría do Centro de Saúde de Neda, Amaya, e catro das súas residentes de 1º ano de Enfermaría Familiar e Comunitaria, para dar un cursiño de primeiros auxilios ao alumnado de quinto e sexto de primaria co fin de que aprendesen a actuar ante unha emerxencia médica e adquirisen as habilidades necesarias para previr situacións de risco.

Durante preto de hora e media, cada un dos cursos, aprendeu e practicou a posición lateral de seguridade, a RCP (reanimación cardiopulmonar) tanto a adultos como a nenos e lactantes, como utilizar un DESA (desfibrilador semiautomático) e por último e non menos importante, que facer en caso de atragantamento.

MOITAS GRAZAS A TODAS!!!!!

Podedes ver todas as fotos na nosa Galería ou premendo na seguinte ligazón:

FOTOS OBRADOIRO PRIMEIROS AUXILIOS

No cole celebramos o día das Letras Galegas de distintos xeitos:

- Comezamos facendo un precioso mural da escritora homenaxeada este ano, Luísa Villalta. Todos os nenos en parellas ou grupo, escribiron nun papel de cor a súa palabra favorita en galego e estas palabras pegámolas ao carón da imaxe de Luísa que debuxou a nosa compañeira de sexto, Lola. Aquí podedes vela posando coa súa creación:

 - Continuamos facendo unha yinkana para aprender moitas cousas sobre esta escritora. Repartímonos en 16 grupos mesturados con nenos e nenas de todos os cursos e tivemos que facer distintas probas para conseguir un código segrego: robótica, pasapalabra, tinta invisible, carreiras de relevo, saltos á corda, seguir ritmos,... un montón de actividades coas que o pasamos moiii ben.

 - Unha exposición de instrumentos e traxes rexionais galegos:

 - E para rematar, a vista de dron, bailamos a Muñeira de Chao, iso si cuns músicos excepcionais. Recoñeces a algún?

Para ver o video en pantalla completa, premer enriba do título.

Coa decoración da entrada do cole por parte da ANPA utilizando os antifaces que fixemos nas clases, comezamos o Entroido no cole de Maciñeira, este ano adicado como podedes ver ás profesións.

Pero antes da gran festa que teremos o venres, teremos que estar moi atentos aos mandatos do Meco:

Grazas a ANPA, o 19 de decembro todo o cole puido disfrutar do espectáculo de monicreques "TOLO CONTO DE NADAL" de Duende Sico.

Pasámolo fenomenal!

Podedes ver algunhas fotos premendo enriba da fotografía:

FESTIVOS LOCAIS: 13 DE OUTUBRO E 20 DE MAIO