Ola ola caracola!

Educación Física, ciencias e reli ou valores é o que nos toca para hoxe . Máis que nunca deberemos pensar en facer as tarefas de xeito "amigable" co medio ambiente e ... que poderíamos mellorar?

Sendo o día que é hoxe, non podían estar desaparecidos ,  que alegría que aparezan por aquí @s do Bosque e, que noticia  interesante nos traen , lede lede !!!

          Ola ola caracola...!

O prometido é debeda e os refráns aportados por todas as "figuras" do Luis Seoane xa están aquí. Pero primeiro é a obrigación e despois a devoción así que como estamos a xoves e toca inglés, ciencias e galego  despois de facer as tarefas pasaremos un tempo divertido mirando o video que nos preparou a profe de audición e linguaxe.

Quedou xenial , grazas a todos os participantes e,  a seguir conectados que disto imos sair ben. Ata mañán!!!

Ola,ola caracola...

Xa mércores e con choiva bueno xa o dí o refrán ata o coarenta de maio..., pero de refráns falaremos mañá e moito, veredes que sorpresa!.

Hoxe tócanos traballo en equipo e loita pola superación porque si de algo nos serviu esta pandemia foi para valorar a importancia de traballar en equipo (nós demostramos ser equipo) e de superar obstáculos .

Así que, despois de traballar cas mate, lengua e educación física nada mellor que desfrutar con este corto que foi merecedor dun "óscar",  para recoñecer a importancia dos afectos, da valoración dos demais, do esforzo e búsqueda de solucións ... 

"HAIR LOVE" (o corto que fala de amor propio e traballo en equipo )

Para saber máis sobre disto na web de orientación publicamos hoxe unha entrada moi interesante para profes, pais e nais xa que tod@s debemos remar na mesma dirección. Familias, animámosvos a vela!

Ola ola caracola...

Xa o dicía Raziel o outro día , a capacidade de relaxarse é unha habilidade esencial no  mundo axitado que temos e mais no que estamos a vivir estes días. Desexamos ter vidas felices, relaxadas e tranquilas, pero mira por donde sempre aparece algo que non nos deixa facelo.

Menos mal que no noso cole practicamos moito sobre diso, o profe Quique leva tempo encargándose do tema co seu grupo de acolledores e pediunos colaboración para amosar como o poñemos en práctica .

Por outra banda a profe Ana sabe como facer montaxes divertidas  e todos e todas nós, actuamos de cine asi que o resultado,  velo ai vai!!!

Bo día familias!  Como xa vimos anunciando a semán que ven poderedes pasar polo cole para recoller o material que quedou nas aulas no momento da interrupción das clases presenciais.

Para respectar as medidas de seguridade estableceremos unhas quendas . Recordamos que so pode vir unha persoa por alumn@ e debe traer máscara de protección.

O horario de recollida será de 9:00 a 13:00h . Debedes timbrar na porta exterior e esperar a que vos abran. Será o conserxe o que vos acompañe ao comedor que é onde están os materiais debidamente etiquetados.

Se vos ven ben poderedes aproveitar a visita para facer a solicitude de material e fondo de libros para o próximo curso se é que non a tedes xa feita. Para este trámite deberedes pedir cita.

   LUNS 1 e MARTES 2 de Xuño, E. Infantil e 1º e 2º de E. Primaria.

                                                MÉRCORES 3 e XOVES 4 de Xuño, 3º,4º,5º e 6º de E. Primaria.

                                                (Para recoller o material non é necesario pedir cita)

Se tedes algunha dúbida xa sabedes, no centro atendemos presencialmente sempre con cita previa. A atención telefónica é de 10.00 a 13:00h no 981617130 e permanentemente no 676727505.

Seguimos en contacto... sorte!!!

Que será, será?

Ola ola caracola!

Estamos a xoves e toca inglés, ciencias e galego e despois de seguro que queredes praia. Levamos unha espléndida semana de sol que nos axuda a ver as cousas cun talante mais positivo como ten que ser nestes momentos tan difíciles. Pero mais positivo non quere dicir irreflexivo, fai sol, o bo tempo está dicindo: "á rúa" pero as medidas de seguridade non poden esquencerse, non podemos baixar a vixiancia. 

Nestes momentos debemos ter unha actitude proactiva e, sobre disto vai unha entrada na web de orientación así que vos invitamos a visitala.

E para pensar, dous videos, un sobre "O problema da laranxa" (como atopar solucións nun conflito) e Lorenzo que utiliza o seu cazo como unha solución, non como un problema.

Ola ola caracola...

Hoxe no "cole dende a casa", faremos Inglés, Galego e Mate e, ao rematar non viría nada mal a posta en práctica desta suxestión que nos fan os amigos e amigas de Boas Prácticas que, como xa sabedes andan ás voltas para propoñer actividades e ...:

 "DINOS O TEU PROPIO XEITO DE CONTROL DO ESTRÉS"

 Dende o grupo de BOAS PRÁCTICAS do noso cole, en concreto do equipo de ACOLLEDORES queremos propoñer un "reto" que nos axude a coñecernos e conectar máis entre todos NÓS.

É moi probable que todos, nos meses de confinamento, tivéramos que pasar por momentos de medo, dúbidas, estrés, incertidumes... e seguro que TODOS puxemos en práctica algunha RECEITA SEGREDA para superalo...pintando, falando, bailando, plantando...

Queremos recibir, co permiso dos vosos titores, imaxes ou vídeos que nos falen de todo iso a través da nosa conta de correo boaspracticasseoane@gmail.com

 Logo, claro, COMPARTILOS COA FAMILIA LUIS SEOANE.

Para animarvos vai aquí un vídeo dun alumno acolledor.