Dinamización e normalización da Lingua Galega |
Durante a Semana Cultural o CEIP Josefa Alonso estivo cheo de música e artistas. O luns tivemos a sorte de contar cos amigos de Sete Cuncas que nos ensinaron algúns pasos de baile galego. O martes os alumnos de terceiro prepararon un Kamishibai sobre a vida de Luisa Villalta, autora homenaxeada no día das Letras Galegas, e un vídeo para mostrar as súas obras. Ademais os alumnos de quinto representaron unha obra de teatro musical con adaptacións do conto clásico de Carapuchiña Vermella. O mércores puidemos disfrutar coa música da banda de Matamá, que unha vez máis quixo acompañarnos nas nosas celebracións. Para rematar, o xoves o noso alumnado demostrou todo o seu talento na segunda edición do "Temos talento" no que houbo bailes, música, maxia e moita diversión.
|
|||
Para conmemorar o 25 de novembro, este ano traballamos na escola o conto titulado: "Las tres mariposas", no que se narra a historia das irmás Mirabal e que deu orixe a dita conmemoración. Coma homenaxe a elas realizamos bolboretas, como símbolo de liberdade e porque os nenos e nenas da escola desexamos a eliminación da violencia contra as mulleres. Ademais como este ano o PDI do centro xira arredor da música, dedicámosllo a Tina Turner, unha muller bandeira que sufriu abusos pero que tivo a forza precisa para marchar lonxe do seu acosador, denuncialo e axudar a moitas mulleres que se atopaban na mesma situación. |
|||
A celebración do Magosto na escola é un dos días máis esperados por toda a comunidade educativa, xa que contamos coa inestimable participación dos avós e avoas do alumnado. Queríamos agradecer especialmente aos avós que de xeito voluntario asaron as castañas e á ANPA e en especial a Miudiño, pola organización dos xogos tradicionais que fixeron as delicias de grandes e pequenos. |
|||
Un ano máis gozamos dun monstruoso Samaín no CEIP Josefa Alonso!!! Que sorte temos de contar cunhas familias estupendas que chearon o cole coas súas cabazas e manualidades terroríficas e cunha ANPA máis que creativa que ambientou todo para deixalo arrepiante!!! Ademais contamos coa axuda da bruxa Iria que viu contar contos terroríficos e cos nosos alumnos de sexto que traballaron moito para deleitarnos cunha magnífica e á vez tenebrosa obra de teatro. Que ben o pasamos!!!
|
|||
|
|||
O pasado venres 19 de maio tivo lugar o noso bocata solidario. Este ano a recadación foi para colaborar coa Asociación AMEDIS, que se encaraga de mellorar a aprendizaxe e a autonomía persoal e social das persoas con discapacidade intelectual ou outros trastornos do desenvolvemento. Foi un pracer contar con eles nun día tan especial. Agradecemos a colaboración de toda a comunidade escolar, sen todos vós isto non sería posible. Total recadado: 1274 € Gastos: 524 € Doazón a AMEDIS 750 €
|
|||
|
|||
ESTROFAS DO MAIO 2023 COMO VÉN O MAIO ESTAMOS CONTENTOS PORQUE EN MATAMÁ A FESTA FACEMOS. POR ISO CON FLORES ÉNCHENSE OS CAMIÑOS E CON LEDAS VOCES CANTAN PAXARIÑOS.
TODOS OS QUE QUEIRAN QUEDAN CONVIDADOS, TRAIAN ALEGRÍAS, ESQUEZAN ENFADOS. FAGAMOS UN MAIO ENTRE TODOS XUNTOS CON FLORES, CON FROITAS, OVOS E FIÚNCHOS.
CANDO CHEGA O MAIO, É TEMPO DE AMORES, DE VESTIR DE BRANCO, DE CANTARLLE ÁS FLORES. DE MIRAR AO CEDO, TAN AZUL E CLARO, DE DICIRLLE A TODOS O LEDOS QUE ESTAMOS.
ARREDOR DO MAIO ESTAMOS REUNIDOS UNHA GRAN FAMILIA, TODOS SON AMIGOS. CHEIRA A PRIMAVERA, A XAZMÍN FLORIDO, GALICIA ESPERTA, TODO É COLORIDO.
A ESTA CANCIONCIÑA XA LLE QUEDA POUCO, SEXAN MOI FELICES, E PARA O ANO OUTRO. FORA AS COUSAS MALAS, FORA A TRISTURA, VEÑAN ALEGRÍAS QUE A ALMA CURAN. |
|||
Que ben o pasamos o día dos Maios!!! Este ano para cambiar un pouco, en vez de facer o tradicional Maio decidimos facer entre todos unha alfombra floral. Grazas á colaboración das familias traendo unha chea de flores e area, todos os nenos do cole colaboraron e fixeron xuntos a preciosa alfombra que podedes ver no vídeo. Ademais Raquel, a mestra de música, creou para todos nós unhas coplas especiais, modificando a letra orixinal para que foran cantadas polos nenos de Matamá. Esperamos que vos guste tanto como a nós!
|
|||
O pasado 23 de febreiro celebrouse o día de Rosalía e no cole, coma todos os anos, estivemos traballando a figura desta gran escritora. Os nenos e nenas déixanvos este vídeo recitando poemas de Rosalía, esperamos que vos gusten.
|
|||
- 1
- 2
- 3
- seguinte ›
- última »