Grazas a Inés, o alumnado do Ceip Josefa Alonso sabe actuar ante unha situación de emerxencia!! Mirade que ben o fan!!!

O alumnado de 1º e 2º e 6º tivemos un skype cos nenos e nenas de Riccione no que nos amosaron os lugares máis importantes da súa cidade. Contámoslles moitas cousas sobre Vigo e tamén puidemos manter unha pequena conversa cos nosos "amici di penna".

O alumnado de 1º, 2º e 3º visitamos o Museo das Illas Atlánticas. Gustounos moitísimo e aprendemos moitas cousas!!!

O pasado sábado 9 de marzo, familias, alumnado e profesorado compartimos unha xornada no Monte do Maruxento,

onde contribuimos a súa recuperación arrincando eucaliptos nesta contorna.

Grazas a todos e todas os que participáchedes! Repetiremos!

O alumnado de 2º, 4º e 5º de Primaria levou a cabo a construción, esta semana, dun composteiro para a horta da escola. Unha vez máis o traballo en equipo deu os seus froitos. Ben feito rapaces! 

O alumnado de 1º, 2º e 3º tivemos a sorte de ter un contacontos en francés moi especial!!! O papá de Eliane de 3º cotounos 2 contos chulísimos en francés aproveitando o PDI dos animais. GRAZAS FLORANE!!!!

Un ano máis, festexamos o festival de Entroido coa inestimable colaboración da ANPA e a participación das familias do noso alumnado, pero este ano tivemos unha gran novidade xa que realizamos un desfile pola contorna, amenizado polo grupo Sete Cuncas.

Agardamos que gozarades da xornada tanto coma nós.

Moitísimas grazas!

O pasado Martes 19 de Febreiro tivemos no centro a segunda xuntanza da Escola de Familias. Nesta ocasión, a charla guiada por Hadriana Ordóñez, versou sobre a Educación afectivo-sexual e a importancia de tratar o tema con naturalidade, dende que os nenos e nenas son pequenos, adaptando os contidos a súa idade e madurez persoal.

Dende o claustro da escola queremos agradecer ao colectivo Malaherba, a Diego e a tódolos participantes desta xornada pola vosa colaboración e entusiasmo. Bo traballo equipo!