Ir un chisco máis alá.
Probablemente o maior problema de moodle sexa a increible cantidade de posibilidades que ofrece.
Outras plataformas de formación a distancia elearning céntranse en ofertar só algúns elementos pero facelo dun xeito moi amigable.
Algunhas tiran do potencial base da empresa cas fornece como clasroom de google ou learn academy de microsoft. Outras forman parte de todo un imperio da educación como khan-academy.
Pero o maior problema de moodle e tamén a súa maior fortaleza: existen múltiples opción xa que calquera pode engadir novas opcións.
Se andades a procurar un algo máis achégo algunha referencia das 55.800.000 que ofrece google.
6. Escalas
Por defecto a aula virtual sempre propón cualificar ao alumnado de 0 a 100 pero podemos modificalo.
O sistema español prefire a escala que vai do 1 ao 10, non temos cero, e podemos indicarlle a Moodle a nosa preferencia (en cada actividade) marcando o 10 como valor máximo.
Así podemos indicar que unha tarefa cualificarase cunha nota numérica con un máximo de 10 puntos (pero Moodle admitiría o 0)
Xa esta? Non, se estamos, por exemplo, a facer unha actividade de tipo proba e valoramos 1 punto por cada resposta acertada e temos 14 preguntas entón a proba valorarémola de 0 a 14 (tranquilos, Moodle e nos entendemos que 7 de 13 é un 5 sobre 10 pero explicarllo as nais e pais e ao alumnado é outra cousa)
E se non queremos cualificar "numericamente", neste caso podemos usar unha escala,
...dentro vídeo!
Que acelere...
Pero moi claro... algúns pensadores da educación insisten en utilizar escalas na educación primaria e incluso insisten en desvincular as escalas utilizadas dos sistemas de "notas" habituais.
En 3ºB utilizabamos, e actualmente continuamos as veces, unha escala por colores (de peor a mellor)
marrón-marrón-marrón, marrón, verde-marrón,
verde, verde-violeta, violeta e supervioleta!.
E se unha alumna/o ten nunha actividade, de sociais por exemplo, un 7 sobre 10, e na proba referida acadou 7 de 14 e, máis a máis, nunha tarefa ten unha cualificación de "violeta"...
a media cal é?... 7?
O deixamos para outra entrada? Vale, imos, poñede os cintos.
.
En consecuencia a escala de cores convertida a valores numéricos sobre 10 ben sendo:
| Valor na escala | orde | valor sobre 10 | Valor na escala | orde | valor sobre 10 | |
| Marrón-Marrón-Marrón | 0 | 0.0 | Marrón | 1 | 1.7 | |
| Verde-Marróm | 2 | 3.3 | Verde | 3 | 5.0 | |
| Verde-violeta | 4 | 6.7 | Violeta | 5 | 8.3 | |
| Supervioleta | 6 | 10 |
O que Moodle garda e que estam,os a usar a escala de cores e o violeta e a sexta nota das sete posibles, como Moodle sempre comeza no, ao primeiro item da escala o valor 0, ao sexto ítem dalle o valor de 5 sobre 6 posibles (0.83333333 en tanto por un).
No caso das cualificación citadas teriamos:
- a primeira nota era un 7 sobre 10 que Moodle converte internamente nun 0.7 xa que as contas internas fanse en tanto por un (part per unit) que é a relación que existe entre a parte o todo.
- A segunda nota: 7 acertos de 14 posibles, 7/14 = 0.5 en tanto por un.
- Rematamos, un violeta é a sexta mellor nota de sete posibles, como sempre comezamos a contar polo cero, entón, 5 de 6 = 5/6 = 0.83 (repito, ao primeiro valor da escala asígnaselle o cero)
Vale, e a nota é... pois depende,
Se facemos unha media aritmética ordinaria ou se ponderamos as distintas probas, ou...
Cunha media aritmética simple: Se as tres actividades teñen o mesmo peso, a mesma ponderación, a nota sería (0.7+0.5+0.83)/3= 0,676666666 no interno da alua virtual, no libro de cualificación se mostraría (se o axustamos a escala sobre 10 e sen decimais) como un 7.
Conclusión: Moodle, A aula virtual, permite utilizar escalas de cualificación numéricas e non numéricas, permite compaxinar rangos de valoración diferentes (de 0 a 10, de 0 a 3, de 0 a 12, de 0 a 100,...) e permite facer medias simples e ponderadas (de 2 tipos) pero tamén medianas, modas, máximos, mínimos e ata podemos definir a nosa propia función de cálculo... e o Moodle non se lia e nos non nos liamos... explicalo ao alumnado e as familias xa ven sendo outro poema.