O pasado mes de xuño recibimos a visita de Diego, irmá de Tais, o cal sorprendeunos coas súas habilidades cos zancos a un metro e dez centímetros de altura do chán.
Contounos moitas cousas interesantes como por exemplo que un "zancudo" non pode estar parado, sempre ten que moverse para non caer, que consegue aguantar case 3 horas con eles postos, que participa en comparsas e festivais animando, e moitas outras cousas moi divertidas.
Ademais aproveitamos esta visita para repasar contidos de xeografía e relacionala con algúnha tradición típica desa zona.
Descubrimos que en Cataluña, fanse torres humanas, chamadas "Castells", que na zona de Bemposta en Ourense hai un circo chamado o "circo dos muchachos" onde moitos nenos e nenas iniciánse nas acrobacias e nos equilibrios, e que en moitas localidades na zona de Navarra e Aragón tamén fan torres humanas.
Entre os meses de febreiro e marzo do 2018 o alumnado de educación primaria estivo pasando diversas probas físicas relacionadas co programa de condición física como por exempo:
1- Control de talla e peso.
2- Medición de perímetros de cadera e cintura.
3- Course Navette, valoración de capacidade de resistencia.
4- Test de flexibilidade "Sit and reach".
5- Proba de axilidade e velociadade coas esponxas.
6- Dinamómetro manual.
7- Forza de tren superior na barra horizontal.
8- Proba de forza explosiva de tren inferior na proba de salto horizontal.
Nesta edición da Aloiada participamos 8 centros de Tui con máis de 200 nenos e nenas. Disfrutamos de diversos obradoiros e actividades deportivas, o que lles serviu tamén para convivir e coñecer aos futuros compañeiros cos que en pouco tempo se atoparán na Educación Secundaria.
Deixámosvos cunha morea de fotos e vídeos desta experiencia.
Mañá mércores 13 de xuño a nosa escola vai representar a Tui na final provincial de atletismo en pista no Estadio da Xuventude na cidade de Pontevedra.
Imos participar con 15 alumn@s da escola, que formaran 3 equipos e competirán en varias modalidades atléticas como:
- 60 metros lisos
- salto de lonxitude
- lanzamento de peso (2kg)
- carreira de resistencia (500 m)
- lanzamento de vortex
- relevos 4 x 60 m
Moita sorte e a disfrutar facendo deporte en equipo
O pasado sábado 26 de maio celebrouse o campionato provincial de bádminton no pavillón Alvaro Pino en Ponteareas, alí estivo a nosa alumna de sexto Yamilé Pérez, representando a Baixo Miño no equipo Infantil feminino, o cal fixo moi bo torneo.
O pasado mes de abril a clase de cuarto de primaria participou nunha xornada de Loita na escola con alumnado de outras escolas de Tui.
Aínda que os obxectivos eran participar, divertirse e a convivencia destacar que conseguiron quedar primeiros nesta modalidade nova, na que xogaron a xogos tan divertidos como a cola do cabalo, dar volta a tortilla ou o xogatira.
Durante os próximos días van participar varios cursos nas seguintes xornadas deportivas:
- Mércores 2 de maio, Brian González, alumno de sexto curso de primaria participará representando ao noso colexio na final zonal do Baixo Miño de tenis de mesa que se celebra no pavillón do CEIP de Sobrada, moita sorte e a divertirse Brian.
- Xoves 3 de maio, o alumnado de cuarto e quinto de primaria desprazaráse ao CEIP de Randufe para participar na quinta dinamización deportiva e convivencia intercentros.
- Martes 8 de maio, o alumnado de sexto de primaria, vai participar nunha xornada de xogos populares con nenas e nenos dos colexios numero 2 Tui, Sobrada e Caldelas.
Van xogar a billarda, petanca, bolos celtas, buxainas, aros, ... e como colofón haberá un descenso de carrilanas.
O alumnado de 5º de educación primaria proclamouse CAMPIÓN de Atletismo en Pista na Macoca.
O pasado més de marzo celebrouse nas instalacións da Macoca en Pazos de Reis (Tui) a proba zonal de Atletismo en pista para o alumnado de 5º curso dos diferentes colexios da zona. A xornada comezou coas probas de lanzamentos de vortex, peso e as series de velocidade. A continuación tocoulle a quenda a salto de lonxitude e as series de Resistencia, por último pudemos desfrutar dunhas emocionantes series de relevos 4 x 100 metros en equipos.
Destacar o fantástico ambiente deportivo, o esforzo e o afán de superación que demostraron tod@s os nen@s por mellorar e facelo o mellor posible, e AGRUDEBAM que unha vez máis organizaron todo de xeito excelente.
En canto aos resultados acadados temos que felicitar o alumnado de 5º polo primeiro posto acadado con 91 puntos sumados entre os dous equipos que levamos, superando por moi pouca diferenza a outros colexios con 3 equipos, como Randufe que conseguiu 90 puntos.
Nuria e Tati conseguiron gañar as súas series en salto de lonxitude, Laura quedou primeira en resistencia (500 metros), en velocidade (Mayra e Youssef) quedaron segundos nas súas series, Lucas obtivo un primeiro posto en lanzamento de vortex e nas carreiras de relevos en equipo acadamos outro primeiro e segundo posto nas nosas series.
Moitos parabéns a tod@s e a seguir practicando deporte con ilusión.
Animamos a todo o alumnado e familias a participar nesta proba deportiva o día 18 de marzo en Porriño. Hai carreiras para nen@s dende 3 anos ata adultos. Máis información en www.championchipnorte.com.
O alumnado que queira participar representando ao colexio debe avisar para levar a equipación deportiva.