CEIP Plurilingüe García Barbón

Trasladámosvos as datas de interese con respecto ao Fonfo de Libros:

• PUBLICACIÓN DE LISTADOS PROVISIONAIS: 5 de xullo
• PERIODO DE RECLAMACIÓNS AO LISTADO PROVISIONAL: 6, 7 de xullo
• PUBLICACIÓN DE LISTADOS DEFINITIVOS: 9 de xullo
• ENTREGA DE VALES: 12,13 e 14 de xullo

VARIAS CONSIDERACIÓNS 

• As persoas interesadas poderán reclamar nos dous (2) días seguintes ao da publicación da listaxe provisional; o centro deberá resolver e gravar as reclamacións na aplicación fondolibros

• A publicación dos listados, tanto provisionais como definitivos, estarán  dispoñibles no taboleiro de anuncios do interior do centro

• Así mesmo, as persoas solicitantes poderán acceder por vía electrónica ao seu expediente, a través da aplicación fondolibros, empregando a Chave 365 ou o certificado dixital da Fábrica Nacional da Moeda e Timbre.

ENTREGA DOS VALES

• A entrega dos vales   dos libros de 1º e 2º e os de material escolar farase entre as 09 e as 13 horas nas datas establecidas. E logo a partir do día 1 de setembro
• A entrega dos vales farase exclusivamente á persoa titular da solicitude, de non ser posible deberá achegarse autorización escrita e copia do DNI das persoas titular e autorizada.

• Pregamos que a recollida se faga tomando as medidas preventivas oportunas.

• Os libros de texto de 3º e 4º entregarémolos no mes de setembro ao igual cos vales non recollidos no mes de xullo

Chegamos ao final deste curso tan atípico e quixemos facelo do mesmo xeito que o empezamos, con alegría.

Hoxe foi día de sorpresas, xogos, risas e algunha que outra bágoa o despedirnos dos amigos.

Aquí vos deixamos unha mostra da festa de curso.

Feliz verán! Vémonos en setembro!

• Norma: Orde do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2021/22 (código de procedemento ED330B).

• Prazo: do 21 de maio ao 22 de xuño

• Cita previa: Para a entrega de documentación e calquera acción relacionada con este proceso é necesario pedir cita previa no centro, chamando ao teléfono: 886 111087

• Anexos e manual:
• Anexo I (solicitude) e anexo II (Comprobación dos membros computables da unidade familiar). Descargar neste enlace
• Manual de usuarios para os cidadáns. Enlace ao manual

• Resumo da orde do 6 de maio

Achegamos a información que nos trasladou a ANPA do Ceip García Barbón sobre o campamento de verán a desenrolar no centro. Enlazamos o seu blog onde tendes información moi detallada sobre o desenrolo do mesmo datas, horario, tarifas e condicións), o modo de facer a reserva de praza e formas de contacto para resolver dúbidas. 

Lembrade descargar o documento PDF que contén as datas, actividades, horario, tarifas e condicións.

ANPA CEIP García Barbón

Este último trimestre, neste curso académico tan diferente, queremos rematalo cunha actividade complementaria moi especial: Amosando o noso cariño pola lingua galega. Todas e todos nos sentimos profundamente orgullosas e orgullosos das nosas praias, dos nosos montes, das nosas vilas e aldeas e, como non: da nosa lingua. Este idioma que nos fai diferentes ao resto. 

Coa finalidade de promover o galego dende o seu emprego en moitas situacións cotiás e, para moitas tarefas diferentes, fixemos unha programación de " 21 días en galego" propondo ao conxunto da comunidade escolar actividades relacionadas coa música, coa lectura, co arte, coa autora homenaxeada no Día das Letras Galegas...

Aproveitamos esta entrada para amosar o noso agradecemento ás persoas que desinteresadamente participarán connosco ao longo deste proxecto. Gardamos os seus nomes no peto para nos sigades no blog (ACCESO A LARENDO NO BARBÓN) e os descubrades facendo este camiño con nós!