E chegamos ao venres. Hoxe é un día distinto aínda que todos nos parezan iguais.
Primeiro poñeremos o traballo de matemáticas. Os usuarios e contrasinal para traballar con SNAPPET desde a casa. Van todos os contidos de fraccións, pero non é para que o fagades todo nun día. Son para repasar todo o aprendido pouco a pouco, cada un ao seu ritmo.
SNAPPET NA CASA 6º B.
Para os que non poidan traballar con Snappet uns pequenos acertixos de lóxica.
ACERTIJOS MATEMÁTICOS.
Todos os sextos tiñades os venres a materia de Libre Disposición e cada quince días viña Raquel a falar con vós para que traballarades as emocións e para previr os acosos. Aqui tedes a sesión do venres 13, que non poido impartir porque foi voluntario vir e viñechedes poucos.
SESIÓN CON RAQUEL (6º A, B e C)
Todos os venres tíñamos Educación Artística os tres sextos. A miña proposta de hoxe é que fagades nun folio un deseño dun cartel dando as grazas ao persoal sanitario que está loitando contra o coronavirus,ou os que traballan para que nós teñamos todos os produtos que precisamos, ou un cartel de ánimo as persoas que están soas nestes momentos, seguramente que teñades visto moitos destes carteis, como o do Arco da Vella onde dí que todo vai saír ben. Pois un cartel deseñado por vós, cunha frase dando grazas ou ánimos, con cores e coa técnica que máis vos guste. Cando volvamos ao cole quero decorar os corredores con todos os vosos carteis. Ánimo. Non me defraudedes, sei que sodes grandes artistas.
